سچ خبریں:حزب اللہ نے ایک بیان جاری کرتے ہوئے محمد الضیف کی شہادت پر گہرے غم و افسوس کا اظہار کیا اور اس عظیم قائد کی جدوجہد کو خراج تحسین پیش کیا۔
حزب اللہ نے کہا کہ محمد الضیف نے اپنی زندگی کا بیشتر حصہ صہیونی دشمن کے خلاف مزاحمت اور جدو جہد میں گزارا اور بار بار انہیں شکست کا ذائقہ چکھایا۔
یہ بھی پڑھیں:اسرائیل حماس اور حزب اللہ کو تباہ نہیں کرسکتا: امریکی میڈیا
حزب اللہ نے اس موقع پر محمد الضیف اور ان کے ساتھ شہید ہونے والے دیگر مجاہدین کی شہادت کی تصدیق کی اور یہ خبر تمام فلسطینی مزاحمتی گروپوں، فلسطینی عوام، اور خاص طور پر شہداء کے اہل خانہ کے لیے تعزیت کا پیغام تھی، حزب اللہ نے ان کے خاندانوں کے لیے صبر، سکون، اور عظیم انعام کی دعا کی۔
بیان میں مزید کہا گیا ہے کہ حزب اللہ کو ایسے عظیم قائدین پر فخر ہے جو آخری لمحے تک جهاد اور مزاحمت کے میدان میں ثابت قدم رہے اور جنہوں نے اپنی ملت کی عزت اور آزادی کے لیے اپنی جانوں کا نذرانہ پیش کیا۔
محمد الضیف کی زندگی فلسطینی مزاحمت کے لیے ایک مثال بنی اور وہ ہمیشہ شہداء کے ساتھ ایک نمونہ کے طور پر زندہ رہیں گے۔
حزب اللہ نے محمد الضیف کے بارے میں کہا کہ وہ طوفان الاقصی آپریشن کے دوران فلسطینی مزاحمت کی صف اول کے رہنماؤں میں سے تھے اور انہوں نے صہیونی دشمن کو بار بار شکست دی۔
اس آپریشن کے دوران محمد الضیف اور ان کے ساتھیوں کی قربانیوں نے صہیونی دشمن کو جنگ بندی اور فلسطینی قیدیوں کی رہائی پر مجبور کیا۔
حزب اللہ نے اس بات پر زور دیا کہ محمد الضیف اور دیگر شہداء کی قربانیاں فلسطینی عوام کے عزم و ارادے کو مزید مضبوط کریں گی اور وہ اپنے وعدے پر قائم رہ کر اپنی آزادی کی جنگ جاری رکھیں گے۔
مزید پڑھیں: کیا حماس کو اس کے کمانڈروں کو مار کر ختم کیا جا سکتا ہے؛ صہیونی مورخ کا اعتراف
ان کی قربانیاں اسلامی امت کو اللہ کے وعدے کے قریب تر لے آئیں گی، جو کہ فتح اور عزت ہے۔
