کیا اسماعیل ہنیہ کو صیہونیوں نے شہید کیا ہے؟

?️ 31 جولائی 2024

سچ خبریں: صیہونی فوج نے حماس کے سیاسی سربراہ اسماعیل ہنیہ کی شہادت پر تبصرہ کرنے سے انکار کرتے ہوئے کہا کہ وہ غیر ملکی میڈیا کی رپورٹس کا جواب دینا ضروری نہیں سمجھتے۔

امریکی ٹی وی کی رپورٹ کے مطابق، صیہونی فوج نے کہا ہے کہ وہ غیر ملکی میڈیا کی رپورٹس کا جواب نہیں دیتے۔

دوسری جانب، حماس کا کہنا ہے کہ اسماعیل ہنیہ کو ایرانی صدر کی تقریب حلف برداری میں شرکت کے بعد تہران میں ان کی رہائش گاہ پر اسرائیلی حملے میں شہید کیا گیا۔

یہ بھی پڑھیں: حماس سیاسی سربراہ شہادت پر فلسطینی مزاحمتی گروپوں کا ردعمل

یاد رہے کہ اسماعیل ہنیہ 1980 کی دہائی کے آخر میں حماس میں شامل ہوئے اور طویل عرصے سے حماس کے سینئر رہنما تھے۔

واضح رہے کہ حماس کے سیاسی سربراہ اسماعیل ہنیہ ایران کے دارالحکومت تہران میں اسرائیلی حملے میں شہید ہو گئے ہیں۔

بین الاقوامی میڈیا کے مطابق، حماس نے اسماعیل ہنیہ کے جاں بحق ہونے کی تصدیق کر دی ہے، وہ ایرانی صدر کی تقریب حلف برداری میں شرکت کے لیے ایران گئے تھے۔

مزید پڑھیں: کیا اسماعیل ہنیہ کی شہادت کے بعد خطہ میں جنگ کا خطرہ بڑھ گیا ہے؟ مشاہد حسین سید کی زبانی

حماس کے بیان کے مطابق، اسماعیل ہنیہ تہران میں صیہونی حملے میں شہید ہوئے اور اس حملے میں ان کا ایک محافظ بھی شہید ہوا ہے۔