حماس کی مغربی کنارے کے فلسطینیوں سےصیہونیوں کے خلاف اٹھ کھڑے ہونے کی اپیل

?️ 21 اگست 2026

سچ خبریں:حماس کی فوجی وننگ قسام بریگیڈز کے فوجی ترجمان ابو عبیدہ نے دو شہیدوں کے والد اور مزاحمتی کارکن فتحی خازم کی شہادت کے ردعمل میں مغربی کنارے کے فلسطینیوں سے صیہونی قبضے کے خلاف مزاحمت کی اپیل کی ہے۔

قسام بریگیڈز کے فوجی ترجمان نے مغربی کنارے میں مقیم فلسطینیوں سے مطالبہ کیا ہے کہ دو شہیدوں کے والد اور مزاحمتی کارکن ابو رعد کی شہادت کے ردعمل میں صہیونی حکومت کے خلاف اٹھ کھڑے ہوں۔

شہاب خبر رساں ایجنسی کی رپورٹ کے مطابق عزالدین قسام بریگیڈز کے فوجی ترجمان نے مغربی کنارے کے عوام سے صہیونیوں کے خلاف مزاحمت کرنے کا مطالبہ کیا ہے۔

عزالدین قسام بریگیڈز کے فوجی ترجمان اور حماس کی عسکری شاخ کے ترجمان ابو عبیدہ نے اپنے ٹیلی گرام چینل پر لکھا: ہم ہیرو اور شہید فتحی خازم ابو رعد کی شہادت پر فلسطین کے ہر مقام پر موجود عوام کو تعزیت پیش کرتے ہیں، جو قابض فوجیوں کی فائرنگ کے نتیجے میں شہید ہوئے۔ ان کی روح ان کے ساتھیوں ابو شنب، عطار، ابو شمالہ، برہومہ اور ہماری قوم کے تمام شہداء سے جا ملی ہے۔

ابو عبیدہ نے مزید کہا: مسجد الاقصیٰ کو نذر آتش کیے جانے کی برسی کے موقع پر اور قابضین کے بڑھتے ہوئے جرائم کے سائے میں، ہم مقبوضہ مغربی کنارے اور قدس میں موجود اپنے تمام مجاہد عوام سے مطالبہ کرتے ہیں کہ مسجد الاقصیٰ، اپنی سرزمین اور اپنی ناموس کا دفاع کریں، قابضین کے خلاف اٹھ کھڑے ہوں، لوٹ مار کرنے والے گروہوں کو جواب دیں اور شہداء کے پاکیزہ خون کا بدلہ لیں۔

فتحی خازم، شہید رعد خازم اور عبدالرحمن خازم کے والد تھے۔ وہ جمعرات کی صبح صہیونی حکومت کے فوجیوں کی جانب سے جنین شہر کے مرکز میں واقع ان کے گھر پر دھاوا بولنے کے دوران شہید ہوگئے۔