فرانسیسی صدر کی اسرائیل کے غزہ میں فوجی کارروائیوں کی مخالفت

سچ خبریں:فرانسیسی صدر امانوئل ماکرون نے غزہ میں اسرائیلی فوجی آپریشن کی شدید مخالفت کرتے ہوئے عالمی برادری سے فلسطین اور اسرائیل کے مسئلے کا دو ریاستی حل نافذ کرنے کی اپیل کی ہے۔ انہوں نے غزہ کی انسانی صورتحال کو ناقابل برداشت قرار دیا۔

الجزیرہ نیوز چینل کی رپورٹ کے مطابق فرانسیسی صدر امانوئل ماکرون نے غزہ پر اسرائیل کے مسلسل حملوں پر شدید تنقید کرتے ہوئے عالمی سطح پر مسئلہ فلسطین کے دو ریاستی حل پر عملدرآمد کی ضرورت پر زور دیا ہے۔

یہ بھی پڑھیں: عالمی برادری نے مظلوم اقوام کی مدد کرنا کیوں بند کر دی: شیخ الازہر

رپورٹ کے مطابق، فرانسیسی صدر امانوئل ماکرون نے کہا ہے کہ ہم نوارِ غزہ پٹی میں اسرائیل کی فوجی کارروائیوں کے پھیلاؤ کے سخت مخالف ہیں۔

انہوں نے علاقے میں انسانی حالات پر تشویش کا اظہار کرتے ہوئے کہا کہ غزہ کے عوام کی تکالیف اور درد کی سطح ناقابل برداشت ہو چکی ہے۔

ماکرون نے مزید کہا کہ ہم سب کو دو ریاستی حل کے نفاذ کے لیے سنجیدہ کوشش کرنی چاہیے، کیونکہ یہی بحران کے خاتمے کا واحد پائیدار راستہ ہے۔

مزید پڑھیں: عالمی برادری غزہ میں خون کی ندیوں کو روکے:غزہ کی حکومت

فرانسیسی صدر نے گزشتہ ہفتے بھی ایک ٹی وی انٹرویو میں اسرائیلی وزیر اعظم بنیامین نیتن یاہو کی غزہ پالیسی کو شرمناکقرار دیا تھا اور یورپی ممالک سے اس صہیونی ریاست کے خلاف پابندیاں بڑھانے کا مطالبہ کیا تھا۔