صہیونی قیدیوں کے اہل خانہ کا نیتن یاہو پر الزام

سچ خبریں:صہیونی قیدیوں کے اہل خانہ نے نیتن یاہو کو فریب کار قرار دیتے ہوئے کہا کہ وہ سیاسی مفاد کی خاطر جنگ بندی معاہدے میں رکاوٹ بن رہے ہیں۔ اسرائیلی اپوزیشن رہنما بھی حکومت کی ناکامی پر شدید تنقید کر رہے ہیں۔

صہیونی قیدیوں کے اہل خانہ نے ایک بار پھر صیہونی وزیراعظم بنیامین نیتن یاہو پر شدید تنقید کرتے ہوئے الزام لگایا ہے کہ وہ اسرائیلی عوام کو دانستہ گمراہ کر رہے ہیں اور جنگ بندی کے ہمہ جہت معاہدے کی راہ میں سب سے بڑی رکاوٹ خود ہیں۔

یہ بھی پڑھیں:ٹرمپ نیتن یاہو کی تیسری ملاقات پر غزہ جنگ کا شدید سایہ عارضی جنگ بندی یا جنگ کا خاتمہ

لبنانی خبررساں ایجنسی سما نیوز کے مطابق، غزہ میں قید صہیونیوں کے اہل خانہ نے ایک مشترکہ بیان میں کہا کہ نیتن یاہو ایک بار پھر کوشش کر رہے ہیں کہ اسرائیلی عوام کے سامنے ایک جھوٹا اور مسخ شدہ تصور پیش کریں، گویا جنگ بندی اور قیدیوں کی رہائی کا معاہدہ ممکن ہی نہیں، حالانکہ یہ موقف اکثریت کی خواہش کے برخلاف ہے۔

بیان میں کہا گیا ہے کہ نیتن یاہو کی کابینہ کھوکھلے نعروں اور خیالی تصورات کے پیچھے چھپی ہوئی ہے۔ انہوں نے محض تنگ نظر سیاسی مفادات کی خاطر کئی بار قیدیوں کی رہائی میں ناکامی دکھائی ہے۔

قیدیوں کے اہل خانہ نے زور دیا کہ 80 فیصد سے زائد صہیونی عوام جنگ کے خاتمے اور قیدیوں کی واپسی کے حق میں ہیں، لیکن جو لوگ اس عمل کو دانستہ سبوتاژ کرتے ہیں، وہ اپنی سیاسی بقا کی خاطر عوام کی خواہشات کو روند رہے ہیں۔

یائیر لاپید، اسرائیلی اپوزیشن لیڈر نے بھی نیتن یاہو کو ہدف تنقید بناتے ہوئے کہا کہ نیتن یاہو اپنی مخلوط حکومت کو بچانے کے لیے اسموتریچ اور بن گویر جیسے انتہا پسند وزیروں کو افراطی خیالات اپنانے کی کھلی چھوٹ دے رہے ہیں۔

لاپید نے مزید کہا کہ متوسط طبقے کا پیسہ برباد کرنے کے بجائے جنگ روکو اور قیدیوں کو واپس لاؤ۔

انہوں نے پہلے بھی بیان دیا تھا کہ فوجیوں، ان کے اہل خانہ، قیدیوں اور اسرائیل کے مستقبل کی خاطر یہ جنگ اب ختم ہونی چاہیے۔

افرات رایتن، اسرائیلی کنست کی رکن اور ڈیموکریٹک پارٹی کی نمائندہ نے کہا کہ نیتن یاہو ایک ناکام کابینہ چلا رہے ہیں، جو قیدیوں کو بھلا چکی ہے۔

انہوں نے مزید کہا کہ ایک سال قبل، فوجی چیف آف اسٹاف اور موجودہ صدر نے کہا تھا کہ معاہدے کے لیے شرائط پوری ہیں، پھر اب تک یہ معاہدہ کیوں نہیں ہوا؟

یائیر گولان، دموکراتک اتحاد کے سربراہ نے کہا کہ ہم نے اپنے فوجی کھو دیے ہیں، اب ہمیں حماس کے ساتھ معاہدہ کرنا پڑے گا تاکہ جنگ ختم ہو۔

میراف بن آری، ایک اور کنست رکن نے اسرائیلی فوج کی ناکامی پر سوال اٹھاتے ہوئے کہا کہ ہماری فوجی اُن جگہوں پر مارے جا رہے ہیں جو بارہا قبضے میں لیے جا چکے ہیں۔

انہوں نے مزید کہا کہ ہمارے وزرا فوجی چیف کی جنگ بندی کی حمایت کرنے کے بجائے ایک اور 7 اکتوبر جیسے حملے کا خوف پھیلا رہے ہیں۔

رپورٹ کے مطابق، اسرائیلی فوج نے امریکی حمایت سے 7 اکتوبر 2023 سے 19 جنوری 2025 تک غزہ پر شدید جنگ مسلط کی، جو بڑے پیمانے پر تباہی اور انسانی جانوں کے نقصان پر منتج ہوئی لیکن اپنے اہم مقاصد یعنی حماس کی نابودی اور قیدیوں کی بازیابی میں مکمل ناکام رہی۔

مزید پڑھیں:غزہ میں عارضی جنگ بندی کے ممکنہ معاہدے پر متضاد دعوے

19 جنوری 2025 کو حماس اور اسرائیل کے درمیان عارضی جنگ بندی طے پائی، لیکن اسرائیلی فوج نے 28 اسفند 1403 کی صبح جنگ بندی کی خلاف ورزی کرتے ہوئے دوبارہ غزہ پر حملے شروع کر دیے،عالمی برادری کی طرف سے ان جرائم کو روکنے کی کوششیں اب تک بے اثر رہی ہیں۔