اماراتی فضائی کمپنیوں کی صیہونی فضائی صنعت میں توسیع، پروازوں کے خلا کو پر کرنے کی کوششیں

?️ 27 مئی 2026

سچ خبریں:صیہونی اخبار کالکالیسٹ کے مطابق اماراتی فضائی کمپنیاں صیہونی کمپنیوں کی معطلی کے بعد سرزمینِ مقبوضہ کی فضائی منڈی میں اپنی پروازیں بڑھا رہی ہیں اور خطے میں ٹرانزٹ مرکز بن رہی ہیں۔

عبری زبان کے روزنامے کالکالیسٹ نے رپورٹ کیا ہے کہ اماراتی فضائی کمپنیاں صیہونی فضائی صنعت میں پیدا ہونے والے خلا کو تیزی سے پر کرنے کی کوشش کر رہی ہیں۔

رپورٹ کے مطابق صیہونی فضائی کمپنیوں ال عال اور آرکیع کی امارات کے لیے پروازوں کی معطلی کے بعد مارکیٹ میں نمایاں خلا پیدا ہوا ہے، جسے اماراتی کمپنیاں استعمال کر رہی ہیں۔

رپورٹ میں کہا گیا ہے کہ امارات کی فضائی کمپنی الاتحاد نے پندرہ جون سے سرزمینِ مقبوضہ کی جانب اپنی پروازوں کی تعداد بڑھا کر ہفتہ وار بیالیس پروازیں کر دی ہیں۔

اسی طرح فضائی کمپنی فلائی دبئی یورپ کے لیے نئی پروازیں شروع کرنے پر غور کر رہی ہے جو جنوبی مقبوضہ فلسطین کے رامون ہوائی اڈے سے آپریٹ ہوں گی۔

کالکالیسٹ کے مطابق ابوظبی آہستہ آہستہ مقبوضہ فلسطین میں رہنے والے آبادکاروں کے لیے ایشیائی ممالک کے سفر کے دوران ایک اہم ٹرانزٹ مرکز بنتا جا رہا ہے، خصوصاً ایسے وقت میں جب متعدد غیر ملکی فضائی کمپنیاں صیہونی ہوائی اڈوں سے اپنی سرگرمیاں کم کر رہی ہیں۔