مصر اور قطر کی غزہ میں 7 سالہ جنگ بندی کی نئی پیشکش

سچ خبریں:غزہ میں جنگ بندی کے لیے مصر اور قطر کی جانب سے ایک نئی اور طویل المدتی پیشکش سامنے آئی ہے، جس پر اسرائیل کو غور کرنے کی دعوت دی گئی ہے۔

فلسطینی خبر رساں ایجنسی معا اور برطانوی نشریاتی ادارے بی بی سی کی رپورٹس کے مطابق مصر اور قطر نے مشترکہ طور پر اسرائیل کو ایک نئی تجویز پیش کی ہے، جس کے تحت غزہ کی پٹی میں 5 سے 7 سالہ جنگ بندی پر عملدرآمد کیا جائے گا۔

یہ بھی پڑھیں: بائیڈن کا غزہ میں تین مراحل پر مشتمل جنگ بندی اور قیدیوں کے تبادلے کی تجویز کا اعلان

ذرائع کے مطابق اس مجوزہ منصوبے کے تحت تمام صہیونی قیدیوں کے بدلے میں فلسطینی قیدیوں کو رہا کیا جائے گا، جنگ کو باضابطہ طور پر ختم شدہ قرار دیا جائے گا اور اسرائیلی افواج مکمل طور پر غزہ سے دستبردار ہو جائیں گی۔

فی الوقت اسرائیل کی جانب سے اس مجوزہ امن منصوبے پر کوئی باقاعدہ ردعمل سامنے نہیں آیا ہے۔

مزید پڑھیں: غزہ میں جنگ بندی کی نئی امریکی صیہونی تجویز

ایک فلسطینی ذریعے نے اس بات کی تصدیق کی ہے کہ ثالثوں کی جانب سے جنگ بندی مذاکرات کی بحالی کے لیے سنجیدہ کوششیں جاری ہیں، جو اس خطے میں پائیدار امن کے امکانات کو فروغ دے سکتی ہیں۔