کیا امریکی عوام روس یوکرین جنگ  کے بارے میں ٹرمپ کی سیاست سے راضی ہیں؟سی این این کی رپورٹ

سچ خبریں:سی این این کی جانب سے کیے جانے والے ایک تازہ سروے کے مطابق امریکی عوام کی اکثریت روس-یوکرین جنگ کے حوالے سے ڈونلڈ ٹرمپ کی پالیسی سے اختلاف رکھتی ہے۔  

یہ بھی پڑھیں:وائٹ ہاؤس میں زلنسکی کی تحقیر؛ امریکہ نے یوکرین کو کیسے جنگ کے دلدل میں دھکیلا؟  

 الجزیرہ نیوز چینل کی رپورٹ کے مطابق، امریکی نیوز چینل سی این این نے ایک تازہ سروے کے نتائج جاری کیے ہیں، جن سے ظاہر ہوتا ہے کہ 50 فیصد سے زائد امریکی شہریوں کا ماننا ہے کہ روس-یوکرین جنگ سے متعلق ٹرمپ کی حکمت عملی امریکہ کے مفادات کے خلاف ہے۔

 سروے کے مطابق 59 فیصد امریکیوں کا کہنا ہے کہ ٹرمپ، روس اور یوکرین کے درمیان پائیدار امن قائم کرنے میں ناکام رہیں گے، 59 فیصد امریکیوں نے روس کے ساتھ ٹرمپ کی خارجہ پالیسی کو غلط اور نقصان دہ قرار دیا، 55 فیصد امریکیوں نے ٹرمپ کے یوکرین کے معاملے میں رویے اور پالیسی سے اختلاف کیا۔

مزید پڑھیں:امریکہ اور یورپ کے درمیان عدم اعتماد کی خلیج؛ ٹرمپ اتحادیوں کو کیوں کمتر سمجھتے ہیں؟  

 سروے کے نتائج سے ظاہر ہوتا ہے کہ امریکی عوام کا بڑا حصہ ٹرمپ کی روس نواز پالیسی پر تشویش کا شکار ہے،امریکہ میں موجود ریپبلکن اور ڈیموکریٹ ووٹرز کے درمیان اس مسئلے پر بھی شدید اختلاف پایا جاتا ہے، ٹرمپ کا جھکاؤ روس کی طرف ہونے کے باعث، بعض ماہرین انہیں مستقبل کے ممکنہ عالمی بحرانوں کے لیے ایک خطرناک انتخاب قرار دے رہے ہیں۔