ترکی اور صیہونی ریاست کے درمیان فوجی رابطہ چینل قائم کرنے کے لیے براہ راست مذاکرات

?️ 8 اپریل 2025

سچ خبریں:ایک خبری ادارے نے شام کے حوالے سے ترکی اور صہیونی حکومت کے درمیان براہ راست مذاکرات کا انکشاف کیا ہے۔

مشرق وسطیٰ کی ویب سائٹ مڈل ایسٹ آئی کے حوالے سے بتایا گیا ہے کہ صہیونی حکومت اور ترکی کے حکام شام میں مستقل فوجی ہم آہنگی کے لیے ایک رابطہ چینل قائم کرنے کے سلسلے میں براہ راست مذاکرات کر رہے ہیں۔

یہ بھی پڑھیں:کیا ترکی اور اسرائیل شام میں شامل ہوں گے؟

اس چینل کا مقصد شام میں دونوں فریقوں کے درمیان فوجی تصادم کو روکنا ہے۔

رپورٹ میں کہا گیا ہے کہ صہیونی وزیراعظم بنیامین نیتن یاہو نے اپنے اہلکاروں کو خبردار کیا ہے کہ ترکی کے شام میں موجودہ فوجی اڈوں پر کنٹرول حاصل کرنے سے پہلے تل ابیب کے پاس ان اڈوں کے خلاف کارروائی کا محدود موقع ہے۔

صہیونی حکومت کے شام میں T-4 ائیربیس پر فضائی حملوں کے بعد، تل ابیب ترکی کو پرامن پیغامات بھیجنے کی کوشش کر رہا ہے۔

رپورٹس کے مطابق، ترکی T-4 ائیربیس پر اپنے ڈرونز تعینات کرنے کا ارادہ رکھتا ہے اور ممکنہ طور پر S-400 میزائل سسٹم کو بھی عارضی طور پر اس علاقے میں نصب کر سکتا ہے۔

مزید پڑھیں:شام میں ترکی کے فوجی اڈے کا قیام صہیونیوں لیے خطرہ 

اس سے قبل تجزیہ کاروں نے شام میں صہیونی حکومت اور ترکی کے درمیان ممکنہ تصادم کی نشاندہی کی تھی۔