جنگل کے قانون اور طاقت کے زور کی جگہ کثیر قطبی نظام قائم کریں:چین

?️ 1 ستمبر 2026

سچ خبریں:چینی صدر شی جن پنگ نے کثیر قطبی عالمی نظام کی حمایت کرتے ہوئے دوہرے معیار، مداخلت، طاقت کے زور اور جنگل کے قانون کو ترک کرنے پر زور دیا۔

چین کے صدر شی جن پنگ نے کثیر قطبی دنیا کی تشکیل کی حمایت کرتے ہوئے کہا ہے کہ مشترکہ انسانی اقدار کو فروغ دینا اور دوہرے معیار، استثنیٰ پسندی، مداخلت، طاقت کے زور اور قانون جنگل کو ترک کرنا ضروری ہے۔

رشیا ٹوڈے کے مطابق، شی جن پنگ نے کرغزستان کے دارالحکومت بشکیک میں شنگھائی تعاون تنظیم کے رکن ممالک کے سربراہان کی 26ویں کونسل کے اجلاس سے خطاب کرتے ہوئے کہا کہ دنیا کا کثیر قطبی نظام کی جانب بڑھنا ایک ناقابلِ واپسی تاریخی رجحان بن چکا ہے۔

انہوں نے کہا کہ ہمیں مشترکہ انسانی اقدار کو فروغ دینا چاہیے، دوہرے معیار، استثنیٰ پسندی، مداخلت، طاقت کے زور اور قانون جنگل کو ترک کرنا چاہیے اور بین الاقوامی تعلقات میں جمہوریت کے عمل کو آگے بڑھانا چاہیے۔

چینی صدر نے ایک کثیر قطبی، مساوی اور منصفانہ عالمی نظام کے قیام کی حمایت کرتے ہوئے کہا کہ گلوبل ساؤتھ کے ممالک اس عالمی نظام کے بارے میں ہونے والے مذاکرات میں ایک اہم عنصر بن چکے ہیں۔ انہوں نے کہا کہ ان ممالک کے کردار کو مزید مضبوط بنانے کی ضرورت ہے۔

شی جن پنگ نے کہا کہ ہم اقوام متحدہ کے اختیار کی بحالی کے لیے مشترکہ کوششوں کے خواہاں ہیں اور مزید کہا کہ شنگھائی تعاون تنظیم انصاف اور مساوات پر مبنی عالمی نظام کی تشکیل میں زیادہ اہم کردار ادا کرسکتی ہے۔

چینی صدر نے زور دیا کہ گلوبل ساؤتھ کے ممالک کی حمایت کی جانی چاہیے اور محاذ آرائی اور بلاک بندی کے بجائے شراکت داری اور تعاون کو فروغ دینا چاہیے۔