یمن کا محاصرہ ختم ہونے تک سعودی عرب پر حملے جاری رہیں گے: یمنی نائب وزیر خارجہ

?️ 8 ستمبر 2026

سچ خبریں:یمن کے نائب وزیر خارجہ علی الصبری نے سعودی عرب کے خلاف حملوں کو یمن کے دفاع کا جائز حق قرار دیتے ہوئے کہا ہے کہ محاصرہ مکمل طور پر ختم ہونے تک سعودی عرب کے خلاف کارروائیاں جاری رہیں گی۔

یمن کے نائب وزیر خارجہ علی الصبری نے سعودی عرب کی جارحیت کے جواب میں یمن کے جائز دفاعی حق پر زور دیتے ہوئے کہا ہے کہ سعودی عرب کی سرزمین کی گہرائی میں حملے اس وقت تک جاری رہیں گے جب تک یمن کا محاصرہ مکمل طور پر ختم نہیں ہوجاتا۔

علی الصبری نے یمن کے خلاف سعودی عرب کی جارحیت اور اس کے نتیجے میں پیدا ہونے والی تازہ صورتحال پر بات کرتے ہوئے کہا کہ یمنی مسلح افواج سعودی عرب کے خلاف اپنی کارروائیاں اس وقت تک جاری رکھیں گی جب تک یمن کا محاصرہ مکمل طور پر ختم نہیں کردیا جاتا۔

یمنی نائب وزیر خارجہ نے کہا کہ سعودی عرب کی جارح فوج کی فضائیہ کی جانب سے یمن کے متعدد علاقوں اور صوبوں پر براہ راست بمباری کے باوجود صنعا کو اپنے دفاع کا حق حاصل ہے۔

 انہوں نے کہا کہ یمنی مسلح افواج محاصرے کے مقابلے میں محاصرہ کی مساوات کے تحت بحیرہ احمر میں اپنی کارروائیوں میں مسلسل شدت لا رہی ہیں۔

علی الصبری کے مطابق یمن کے اندر سعودی عرب کے کرائے کے جنگجوؤں کو حالیہ تباہ کن حملوں کا نشانہ بنانے اور سعودی عرب کی سرزمین کی گہرائی میں بعض بنیادی ڈھانچوں کو نشانہ بنانے کا مقصد سعودی دشمن کی تیل کی برآمدات کو روکنا ہے۔

انہوں نے مزید کہا کہ ان کارروائیوں کا مقصد صرف ریاض کو مالی اور مادی نقصان پہنچانا نہیں، بلکہ ان درست حملوں کے ذریعے سعودی عرب کو یہ سمجھانا ہے کہ یمن کے خلاف محاذ آرائی جاری رکھنے کا کوئی نتیجہ نہیں نکلے گا اور بالآخر اسے یمنی عوام کے جائز حقوق اور مطالبات کا جواب دینا ہوگا۔