کیا امریکی عوام ٹرمپ کی کارکردگی پر مطمئن ہیں؟

🗓️ 25 اپریل 2025

سچ خبریں:فاکس نیوز سروے کے مطابق امریکی صدر ڈونلڈ ٹرمپ کی کارکردگی پر عوامی اعتماد میں نمایاں کمی واقع ہوئی ہے۔

قطری چینل الجزیرہ کی رپورٹ کے مطابق امریکی صدر ڈونلڈ ٹرمپ کی کارکردگی پر عوامی اعتماد میں نمایاں کمی واقع ہوئی ہے۔ ، فاکس نیوز ایجسی (جو ریپبلکن جماعت کے قریب سمجھی جاتی ہے) کے تازہ ترین سروے میں انکشاف ہوا ہے کہ ٹرمپ کی حمایت 49 فیصد سے گھٹ کر 44 فیصد رہ گئی ہے۔

یہ بھی پڑھیں:46 فیصد امریکی ٹرمپ کی کارکردگی سے ناخوش

اس سروے میں شرکت کرنے والے 71 فیصد امریکیوں نے ملک کی معاشی صورتحال کو منفی قرار دیا، جو کہ عوامی بے چینی اور عدم اعتماد کی واضح علامت ہے۔ ماہرین کا ماننا ہے کہ مہنگائی، بے روزگاری اور مالیاتی غیر یقینی صورتحال نے عوام کے اعتماد کو بری طرح متاثر کیا ہے۔

– سرحدی سیکیورٹی: 55٪ افراد نے اس حوالے سے ٹرمپ کی پالیسیوں پر اطمینان کا اظہار کیا۔
– امیگریشن پالیسی: 47٪ نے حمایت کی، جبکہ 48٪ نے عدم اطمینان ظاہر کیا۔
– معاشی کارکردگی: صرف 38٪ نے اس سے اطمینان کا اظہار کیا، جبکہ 56٪ نے واضح ناپسندیدگی ظاہر کی۔

ٹرمپ کے لیے یہ اعداد و شمار خبردار کرنے والے ہیں، خاص طور پر اس لیے کہ فاکس نیوز جیسے ہمدرد ادارے کی رپورٹ میں یہ اعداد سامنے آئے ہیں۔

مزید پڑھیں:امریکیوں کی زندگی کے انتظام میں ٹرمپ کی ناقص کارکردگی

امریکی عوام کی ترجیحات اب معاشی استحکام، مہنگائی میں کمی اور امیگریشن جیسے مسائل پر مرکوز ہو چکی ہیں، اور اس تناظر میں موجودہ صدر کی کارکردگی پر سوالات اٹھ رہے ہیں۔