برطانیہ کا مقبوضہ بیت المقدس کے حوالے سے اہم اعلان، اسرائیل میں شدید کھلبلی مچ گئی

?️ 18 جون 2021

تل ابیب (سچ خبریں) برطانیہ نے مقبوضہ بیت المقدس کے حوالے سے اہم اعلان کرتے ہوئے اسے مقبوضہ علاقہ قرار دے دیا ہے جس کے بعد اسرائیل میں شدید کھلبلی مچ گئی ہے اور اس نے ہر طرف ہاتھ پاؤں مارنا شروع کردیئے ہیں۔

تفصیلات کے مطابق برطانیہ نے چپکے سے مقبوضہ بیت المقدس کو مقبوضہ علاقہ قرار دیا ہے جس پر صہیونی ریاست نے برطانیہ سے سخت احتجاج کیا ہے۔

موصولہ اطلاعات کے مطابق جمعرات کو صبح کی اسرائیل کے عوامی ریڈیو کے نیوز بلیٹن میں نشر ہونے والی ایک رپورٹ میں اس بات کا انکشاف کیا گیا کہ برطانوی شہریت والی ایک اسرائیلی خاتون کو اس وقت حیرت کا سامنا کرنا پڑا جب اس نے اپنے پاسپورٹ کی تجدید کرائی تو اس کے کاغذات میں بیت المقدس کو مقبوضہ علاقہ قرار دیا گیا ہے۔

ریڈیو  میں بتایا گیا ہے کہ بیت المقدس شہر میں پیدا ہونے والی ایک اسرائیلی خاتون اپنے برطانوی پاسپورٹ کی تجدید کرنے گئی تھی، اسے معلوم ہوا کہ بیت المقدس کو برطانیہ کی طرف سے مقبوضہ علاقہ قرار دیا گیا ہے۔

ریڈیو رپورٹ میں کہا گیا ہے کہ ایسے لگتا ہے کہ اس میدان میں ایک نئی پالیسی نظر آرہی ہے، ماضی کے برعکس برطانیہ  نے بیت المقدس کو مقبوضہ علاقہ قرار دیا ہے۔

اسرائیلی خاتون لندن میں اسرائیل کے سفیر کے پاس گئی، اسرائیلی سفیر نے برطانوی دفتر خارجہ سےاس  معاملے پر وضاحت طلب کی تو انہوں نے جواب دینے کے لئے ایک ڈیڈ لائن مانگ لی جس کے بعد اسرائیل میں ابھی تک کھلبلی سی مچی ہوئی ہے۔