امریکیوں کو معلوم ہونا چاہیے اگر جنگ مسلط کی گئی تو یہ علاقائی جنگ ہوگی: آیت اللہ خامنہ‌ای

?️ 1 فروری 2026

سچ خبریں:ایران کے روحانی پیشوا آیت اللہ خامنہ‌ای نے عوامی وفد سے ملاقات میں خبردار کیا کہ اگر امریکہ نے جنگ مسلط کرنے کی کوشش کی تو یہ اس بار علاقائی جنگ کی صورت اختیار کرے گی۔

ایران کے روحانی پیشوا اور سپریم لیڈر آیت اللہ خامنہ‌ای نے آج صبح معاشرے کے مختلف طبقات سے تعلق رکھنے والے افراد سے ملاقات کی۔

اس ملاقات میں آیت اللہ خامنہ‌ای نے کہا کہ امریکیوں کو یہ بات جان لینی چاہیے کہ اگر وہ جنگ کا آغاز کریں گے تو اس بار جنگ علاقائی ہوگی۔

یہ بھی پڑھیں:ٹرمپ کی ایران کے لیے کیا پالیسی ہوگی؟

انہوں نے مزید کہا کہ کبھی کبھار جنگ کی باتیں کرنا اور طیاروں، بحری بیڑوں اور اس نوعیت کی دھمکیاں دینا کوئی نئی بات نہیں۔ ماضی میں بھی امریکی حکام اپنی تقاریر میں بارہا دھمکیاں دیتے رہے ہیں اور کہتے رہے ہیں کہ تمام آپشنز میز پر ہیں، جن میں جنگ کا آپشن بھی شامل ہے۔

انہوں نے کہا کہ اب یہ شخص بھی (ٹرمپ) مسلسل یہ دعویٰ کرتا ہے کہ ہم نے بحری بیڑے تعینات کر دیے ہیں اور اس طرح کی باتیں کرتا ہے، لیکن قومِ ایران کو اس قسم کی باتوں سے ڈرایا نہیں جا سکتا۔ ایرانی عوام ایسی دھمکیوں سے متاثر نہیں ہوتے۔

آیت اللہ خامنہ‌ای نے واضح کیا کہ ہم جنگ کے آغاز کرنے والے نہیں ہیں اور نہ ہی کسی ملک پر حملہ کرنے کا ارادہ رکھتے ہیں، لیکن اگر کوئی قومِ ایران پر حملہ کرے یا اسے اذیت پہنچانے کی کوشش کرے تو ایرانی قوم اس کا بھرپور اور سخت جواب دے گی۔

مزید پڑھیں: ٹرمپ کی کابینہ کے خیالات اور پالیسیاں

انہوں نے آخر میں ایک بار پھر تاکید کی کہ امریکیوں کو یہ بات ذہن نشین کر لینی چاہیے کہ اگر وہ جنگ کا آغاز کریں گے تو اس بار یہ جنگ علاقائی سطح پر پھیل جائے گی۔