الجزائر کے مالی، نائجر اور برکینا فاسو کے ساتھ سفارتی تعلقات مزید کشیدہ  

سچ خبریں:مالی کا ایک مسلح ڈرون الجزائر کے فضائی حدود میں گرایا گیا ہے، جس کے بعد مالی، نائجر اور برکینا فاسو نے اپنے سفیروں کو الجزائر سے واپس بلانے کا فیصلہ کرکے اس خطے میں سفارتی کشیدگی کو مزید بڑھا دیا ہے۔  

یہ بھی پڑھیں:نائیجر میں تبدیلی مغربی استعمار کے خلاف بغاوت : عطوان

روئٹرز نیوز ایجنسی کی رپورٹ کے مطابق الی کا ایک مسلح ڈرون الجزائر کے فضائی حدود میں گرایا گیا ہے، جس کے بعد مالی، نائجر اور برکینا فاسو  تنیوں فوجی حکومتوں والے ان ممالک نے ایک مشترکہ بیان میں الجزائر پر مالی کے ڈرون کو جان بوجھ کر گرانے کا الزام عائد کیا تھا۔

یاد رہے کہ الجزائر نے یکم اپریل کو بغیر کسی تفصیل کے صرف یہ اعتراف کیا تھا کہ اس نے ایک مسلح جاسوسی ڈرون کو اپنے فضائی حدود میں گرایا ہے۔

مالی کے خارجہ امور کے وزارت نے ایک علیحدہ بیان میں کہا کہ ان کے حکام یقینی طور پر اس نتیجے پر پہنچے ہیں کہ الجزائر نے اس ڈرون کو پہلے سے طے شدہ دشمنی کی نیت سے گرایا ہے۔

بیان میں یہ بھی بتایا گیا کہ ڈرون کے ملبے کو دونوں ممالک کی سرحد کے جنوب میں 9.5 کلومیٹر کے فاصلے پر پایا گیا ہے، اور ثبوت سے پتہ چلتا ہے کہ اسے زمین سے ہوا یا ہوا سے ہوا میں مار کرنے والے میزائل سے گرایا گیا تھا۔

مزید پڑھیں:فرانس الجزائر کا  پرانا دشمن

مالی نے اس واقعے کو ایک بے مثال جارحیت قرار دیتے ہوئے الجزائری حکام کے جارحانہ، غیر دوستانہ اور توہین آمیز اقدام کی سخت الفاظ میں مذمت کی ہے۔