الجزیرہ کی صحافی شیرین ابو عاقلہ کے قاتل کی شناخت منظر عام پر

🗓️ 9 مئی 2025

سچ خبریں:تحقیقی دستاویز کے ذریعے انکشاف ہوا ہے کہ الجزیرہ کی شہید صحافی شیرین ابو عاقلہ کو اسرائیلی فوجی آلون اسکاجیو نے قتل کیا، جبکہ امریکہ و اسرائیل نے مل کر اس واقعے کی تفصیلات چھپانے کی کوشش کی۔

الجزیرہ ٹی وی چینل نے اعلان کیا ہے کہ زیتیو نامی تحقیقاتی پلیٹ فارم نے ایک دستاویزی فلم کے ذریعے اس اسرائیلی فوجی کی شناخت ظاہر کر دی ہے جو الجزیرہ کی معروف فلسطینی نژاد صحافی شیرین ابو عاقلہ کے قتل کا ذمہ دار ہے۔

یہ بھی پڑھیں:شیرین ابو عاقلہ کے قتل پر معافی؛ صیہونی کیا چاہتے ہیں؟

رپورٹ کے مطابق، قاتل کی شناخت آلون اسکاجیو کے نام سے ہوئی ہے، جو جون 2024 میں جنین شہر میں ایک اسرائیلی فوجی آپریشن کے دوران ہلاک ہو چکا ہے۔

مذکورہ مستند میں انکشاف کیا گیا ہے کہ امریکہ اور اسرائیل نے اس قتل کے حقائق کو چھپانے کے لیے مشترکہ طور پر کوششیں کیں، جن میں حادثے کے حالات، جائے وقوعہ کی تفصیلات اور قتل کی ذمہ داری سے متعلق پُراسرار خاموشی شامل ہے۔

شیرین ابو عاقلہ، جو الجزیرہ کی سینئر فیلڈ رپورٹر تھیں، 11 مئی 2022 کو جنین کے مہاجر کیمپ پر صہیونی افواج کے حملے کی کوریج کے دوران اسرائیلی گولی کا نشانہ بنیں،اس وقت وہ صحافیوں کا مخصوص ہیلمٹ اور جلیقہ پہنے ہوئی تھیں، جن پر واضح طور پر پریس لکھا تھا، اس کے باوجود نشانہ بنایا گیا۔

مزید پڑھیں:شیرین ابو عاقلہ کے قتل کی نئی تفصیلات سامنے آئیں

رپورٹ کے مطابق، یہ واقعہ ایک سوچے سمجھے منصوبے کے تحت کیا گیا ریاستی قتل قرار دیا جا چکا ہے، جس پر عالمی سطح پر مذمت بھی کی گئی، تاہم اسرائیل نے اس کی مکمل تحقیقات سے انکار کیا اور امریکہ نے بھی معاملے کو سرد خانے میں ڈال دیا۔