امریکہ میں ایک نیا سیاسی اور سکیورٹی بحران 

سچ خبریں:حساس فوجی آپریشن کی معلومات کا غیر محفوظ اور غیر مجاز طریقے سے افشا ہونے پر اس ملک کے وزیر دفاع کو ان کے عہدے سے ہٹائے جانے کا امکان ہے۔

واشنگٹن میں ایک نیا سیاسی اور سکیورٹی بحران سر اُٹھا رہا ہے، جہاں اس ملک کے وزیر دفاع پیٹ ہگسٹ ڈونلڈ ٹرمپ کی کابینہ میں اپنے عہدے سے محرومی کے دہانے پر کھڑے ہیں جس کی وجہ حساس فوجی آپریشن کی معلومات کا غیر محفوظ اور غیر مجاز طریقے سے افشا کیا جانا اور وہ بھی ایک متنازعہ چیٹ ایپ سیگنل پر۔

یہ بھی پڑھیں:ٹرمپ انتظامیہ کی بڑی چوک: حساس فوجی معلومات کا تبادلہ غیر محفوظ میسجنگ ایپ پر  

خبر رساں ادارے ویک کی رپورٹ کے مطابق امریکی وزیر دفاع نے اس ملک کے مجوزہ حملے کے منصوبے سے متعلق درجہ بند معلومات ایک نجی چیٹ گروپ میں شیئر کیں، جس میں غلطی سے ایک سینئر امریکی صحافی بھی شامل تھا۔

مزید تحقیقات سے پتا چلا کہ وزیر دفاع نے اسی نوعیت کی معلومات ایک اور گروپ میں بھی شیئر کیں، جس میں ان کی بیوی، وکیل ٹِم پارلاتور، ان کے بھائی فِل، اور فاکس نیوز کے سابق پروڈیوسر شامل تھے۔

یہ سب افراد نہ صرف غیر متعلقہ ہیں بلکہ ان میں سے اکثر کے پاس درجہ بند معلومات تک رسائی کا اختیار بھی نہیں تھا۔ اس سنگین سیکیورٹی کوتاہی پر پینٹاگون میں ہنگامی تحقیقات شروع ہو چکی ہیں۔

یہ بحران ایسے وقت سامنے آیا ہے جب وزارت دفاع پہلے ہی ہگسٹ کے تین سینیئر مشیروں کی معطلی کے باعث دباؤ میں ہے، صرف چند ہفتے قبل، ایک اور انکشاف میں معلوم ہوا تھا کہ مایک والتز، صدر ٹرمپ کے مشیر برائے قومی سلامتی، نے بھی ایک درجہ بند چیٹ گروپ میں اٹلانٹک میگزین کے ایڈیٹر جیفری گولڈبرگ کو غلطی سے شامل کر دیا تھا، جہاں یمن پر حملے کی تفصیلات شیئر کی جا رہی تھیں۔

اگرچہ وائٹ ہاؤس کی جانب سے ابھی تک کوئی سرکاری ردعمل سامنے نہیں آیا، لیکن سینیٹر چک شومر اور دیگر ڈیموکریٹس نے زور دیا ہے کہ ہگست کو فوری طور پر برطرف کیا جائے۔ شومر نے سوشل میڈیا پلیٹ فارم ایکس پر لکھا کہ پیٹ ہگسٹ کی کوتاہیوں سے قومی سلامتی خطرے میں ہے۔ وقت آ گیا ہے کہ صدر ٹرمپ ہگست کو برطرف کریں۔

ہگسٹ کے سابق مشیر اور ترجمان جان اولیٹ نے بھی پولٹیکو میں شائع ایک مضمون میں پینٹاگون میں پھیلی انتظامی بدنظمی پر کڑی تنقید کی۔ انہوں نے لکھا:

حساس منصوبے لیک ہو رہے ہیں، سینئر عملے کی برطرفیاں جاری ہیں، اور وزیر دفاع اب ایک عجیب ‘پاکسازی’ کا نگران بن چکے ہیں۔

اولیٹ کے مطابق، پینٹاگون میں پچھلے مہینے جو کچھ ہوا، وہ مکمل انتشار کی علامت ہے اور یہ صدر ٹرمپ کی انتظامیہ کے لیے ایک سیاسی و انتظامی بحران میں بدلتا جا رہا ہے۔

واضح رہے کہ اس معاملے نے پیٹ ہگسٹ کو بحران میں ڈال دیا ہے، اور اگر ٹرمپ نے سیاسی دباؤ کے سامنے ہتھیار ڈالے تو ان کی برطرفی یقینی سمجھی جا رہی ہے۔

مزید پڑھیں:سیگنل ایپ پر امریکی خفیہ معلومات افشاء ہونے کی تحقیقات جاری

یہ واقعہ نہ صرف ٹرمپ کی قومی سلامتی ٹیم کی اہلیت پر سوال اٹھا رہا ہے بلکہ ان کی دوبارہ منتخب حکومت کی شفافیت اور نظم و ضبط پر بھی سنگین سائے ڈال رہا ہے۔