امریکی میڈیا میں ایران کے شہید رہبر کی تشییع کی شروعات؛ دنیا کے لیے وحدت اور مزاحمت کا پیغام

رہبر

?️

سچ خبریں: ایران کے اسلامی انقلاب کے شہید رہبر حضرت آیت اللہ سید علی خامنہ‌ای کی شاندار تشییع کی شروعات امریکی میڈیا میں نمایاں خبروں میں شامل ہو گئی ہے۔

ایرنا کے مطابق، امریکی نشریاتی ادارے سی این این نے اپنی رپورٹ میں کہا ہے کہ ایران کے سپریم لیڈر آیت اللہ سید علی خامنہ‌ای کی امریکہ اور اسرائیل کے ساتھ جنگ کے پہلے دن مبینہ طور پر “شہادت” کے چار ماہ بعد اب ان کی یاد میں ایک ہفتے پر محیط تعزیتی تقریبات منعقد کی جا رہی ہیں، جو ایران اور عراق کے پانچ شہروں میں جاری رہیں گی اور ان میں لاکھوں افراد کی شرکت متوقع ہے۔

سی این این کے مطابق یہ عظیم الشان تقریبات مذہبی علامتوں سے بھرپور ہیں، جہاں مذہبی تنظیمیں لاکھوں زائرین کی آمد کو منظم کرنے میں مصروف ہیں۔ عراق کے حکام نے بھی کہا ہے کہ بڑی تعداد میں افراد ان تقریبات میں شرکت کریں گے۔

رپورٹ میں کہا گیا کہ اس پیمانے کی تقریبات دنیا کو ایک واضح پیغام دیتی ہیں اور ایران کے رہنما کو مزاحمت اور استقامت کی علامت کے طور پر پیش کرتی ہیں۔

سی این این نے یہ بھی کہا کہ یہ تمام رسومات ماہِ محرم کے دوران ہو رہی ہیں، جو شیعہ مسلمانوں کے لیے امام حسینؑ کی شہادت کے باعث سوگ اور قربانی کی علامت ہے۔

امریکی خبر رساں ادارے ایسوسی ایٹڈ پریس نے اپنی رپورٹ میں کہا کہ ایران چند روزہ بڑے پیمانے کی تشییع کی تیاری کر رہا ہے، اور توقع ہے کہ لاکھوں افراد تہران کی سڑکوں پر نکلیں گے، جیسا کہ 1989 میں امام خمینیؒ کے جنازے کے موقع پر دیکھا گیا تھا۔

اے پی کے مطابق سرکاری میڈیا کی جانب سے ایسی تصاویر جاری کی گئیں جن میں تابوت پر سرخ پرچم اور “یا حسینؑ” کا کتبہ نمایاں تھا، جو کربلا کی مذہبی علامت سے جڑا ہوا ہے۔

امریکی نشریاتی ادارے این بی سی نیوز نے رپورٹ کیا کہ اس موقع پر لاکھوں افراد کی شرکت متوقع ہے اور یہ ایک مذہبی و سیاسی عظیم اجتماع ہوگا۔ رپورٹ کے مطابق عراق میں بھی اسی نوعیت کی تقریبات منعقد ہوں گی، جہاں شیعہ مسلمانوں کے مقدس مقامات موجود ہیں۔

این بی سی نے مزید کہا کہ ایران کی جانب سے اس جنازے کو ملک سے باہر تک پھیلانا اس کے علاقائی اثر و رسوخ کو ظاہر کرتا ہے۔

اسی طرح اے بی سی نیوز اور سی بی ایس نیوز ے بھی اس واقعے پر ملتی جلتی رپورٹس نشر کیں۔

امریکی اخبار نیویارک ٹائمز نے اپنی رپورٹ میں کہا کہ آیت اللہ خامنہ‌ای کی شہادت کے بعد ایران ایک ہفتے پر محیط سوگ کی تقاریب کر رہا ہے، جو دنیا کو اتحاد اور استقامت کا پیغام دیتی ہیں۔

اخبار کے مطابق جمعہ کے روز غیر ملکی وفود نے تہران میں تعزیتی تقریب میں شرکت کی، جبکہ سرکاری میڈیا کی تصاویر میں ایرانی اور غیر ملکی شخصیات کو تابوت کے سامنے تعظیم کرتے ہوئے دکھایا گیا۔

نیویارک ٹائمز کے مطابق تہران میں سوگ کی فضا نمایاں تھی، جہاں سیاہ بینرز اور رہبر کی تصاویر پورے شہر میں آویزاں تھیں۔

رپورٹ میں مزید کہا گیا کہ کچھ تصاویر میں رہبر کو تنہا اور کچھ میں اپنے فرزند آیت اللہ سید مجتبیٰ خامنہ‌ای کے ساتھ دکھایا گیا، جسے ایک دور کے اختتام اور نئے دور کے آغاز کی علامت قرار دیا گیا۔

نیویارک ٹائمز کے مطابق ایرانی حکام نے بتایا کہ جمعہ کے روز 50 سے زائد غیر ملکی وفود نے اس تقریب میں شرکت کی۔

مشہور خبریں۔

باجوہ کے ’غیر جانبداری‘ کے وعدے کا اعتبار نہیں، سابق جنرل

?️ 5 مارچ 2023اسلام آباد:(سچ خبریں) ایک ریٹائرڈ جنرل نے سابق آرمی چیف کے فوج

اسرائیل اور سعودی عرب ایک قدم اور دور

?️ 22 اگست 2023سچ خبریں: صیہونی وزیر اعظم کے دفتر نے نیتن یاہو کا حوالہ

یمنی "جوابی حملے” کے خوف سے اسرائیلی کابینہ کے اجلاس کا مقام تبدیل

?️ 31 اگست 2025سچ خبریں: صہیونی خبر رساں ذرائع نے اطلاع دی ہے کہ یمنی

پاکستان اور متحدہ عرب امارات کا تعاون بڑھانے پر اتفاق

?️ 6 نومبر 2022اسلام آباد:(سچ خبریں) پاکستان اور متحدہ عرب امارات نے معیشت، تجارت، توانائی

بھارت کا خلائی مشن سورج کے مدار میں پہنچ گیا

?️ 8 جنوری 2024سچ خبریں: بھارت کا شمسی خلائی مشن چار ماہ بعد سورج کے

پاکستان کی دنیا میں امن و رواداری کے فروغ کیلئے او آئی سی اور اقوام متحدہ کے درمیان شراکت داری کی تجویز

?️ 23 ستمبر 2025نیویارک: (سچ خبریں) پاکستان نے دنیا میں امن و رواداری کے فروغ

رپبلکن کی شکست کے بعد حامیوں کی ٹرمپ پر شدید تنقید

?️ 6 نومبر 2025رپبلکن کی شکست کے بعد حامہوں کی ٹرمپ پر شدید تنقید امریکی

امریکی عوام اپنے ملک میں گورننس بحران کو سنگین کیوں سمجھتے ہیں؟

?️ 6 فروری 2026 سچ خبریں:  ایک تازہ ترین مشترکہ سروے جسے اے بی سی

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے