?️
غزہ میں قحط کی وجہ سے فوری جنگ بندی کی ضرورت ہے:اقوام متحدہ کے سیکرٹری جنرل
اقوام متحدہ کے سیکرٹری جنرل انتونیو گوتریش نے غزہ میں قحط کی باضابطہ تصدیق کے بعد کہا ہے کہ اب صرف الفاظ نہیں بلکہ فوری عمل کی ضرورت ہے۔ انہوں نے زور دے کر کہا کہ غزہ کے عوام کو بچانے کے لیے فوری جنگ بندی اور بغیر کسی رکاوٹ کے انسانی امداد کی فراہمی ناگزیر ہے۔
اقوام متحدہ کے ڈپٹی ترجمان ڈینیلا گروس کے مطابق گوتریش نے کہا کہ جب ایسا لگتا ہے کہ غزہ کے زندہ جہنم کو بیان کرنے کے لیے مزید الفاظ باقی نہیں رہے، ایک نیا لفظ شامل ہوا ہے: قحط۔ ان کے بقول یہ کوئی معمّا نہیں بلکہ انسانوں کے اپنے ہاتھوں سے بنائی گئی تباہی ہے، ایک اخلاقی ناکامی اور انسانیت کی شکست۔
گوتریش نے مزید کہا کہ لوگ بھوکے ہیں، بچے مر رہے ہیں اور جو قیادتیں عمل کرنے کی ذمہ دار ہیں وہ ناکام ہو رہی ہیں۔ ان کا کہنا تھا کہ اسرائیل بطور قابض قوت بین الاقوامی قوانین کے مطابق خوراک اور طبی سامان فراہم کرنے کا پابند ہے۔
انہوں نے خبردار کیا کہ اس المیے کو نظر انداز نہیں کیا جا سکتا اور وقت کل نہیں بلکہ آج ہے۔ اب کسی بہانے کی گنجائش نہیں بچی۔ فوری جنگ بندی، تمام یرغمالیوں کی رہائی اور وسیع پیمانے پر انسانی امداد تک رسائی لازمی ہے۔
ترجمان کے مطابق اقوام متحدہ کا دفتر برائے انسانی امور (OCHA) بھی بار بار متنبہ کر رہا ہے کہ عام شہری سب سے زیادہ متاثر ہو رہے ہیں۔ حملوں میں شدت آنے کے بعد غزہ کے اسپتالوں میں زخمیوں کی آمد بے قابو ہو گئی ہے۔ صرف گذشتہ رات جبالیہ اور دیگر علاقوں پر شدید بمباری کے بعد تقریباً ۹۰۰ افراد اپنے گھر بار چھوڑنے پر مجبور ہوئے۔
اقوام متحدہ نے فریقین کو یاد دہانی کرائی ہے کہ جنگی قوانین کے تحت عام شہریوں اور امدادی کارکنوں کا تحفظ لازمی ہے۔ متاثرہ افراد کو محفوظ ہجرت اور واپسی کے حق کی ضمانت دینا ہوگی۔
عالمی ادارہ صحت کے مطابق غزہ کے نصف سے زائد اسپتال تباہی کے دہانے پر ہیں جبکہ جنوبی علاقے کے مراکز کئی گنا زائد بوجھ تلے کام کر رہے ہیں۔ اگر فوری اقدام نہ ہوا تو بچائی جا سکنے والی اموات میں اضافہ ہوگا۔
ادارہ آئی پی سی (IPC) نے خبردار کیا ہے کہ غزہ شہر جہاں پانچ لاکھ افراد بستے ہیں قحط میں داخل ہو چکا ہے اور اگلے چند ہفتوں میں یہی صورتحال دیر البلح اور خان یونس تک پھیل سکتی ہے۔
اقوام متحدہ کے ذیلی اداروں بشمول ایف اے او، ڈبلیو ایف پی، یونیسف اور ڈبلیو ایچ او نے مشترکہ بیان میں کہا کہ قحط انسانی جانیں لے رہا ہے، خاص طور پر بچے شدید بھوک اور غذائی قلت کے نشانے پر ہیں۔ ان اداروں نے ایک بار پھر اسرائیل سے مطالبہ کیا ہے کہ انسانی بنیادوں پر فوری جنگ بندی اور امدادی راستے کھولے جائیں۔
Short Link
Copied


مشہور خبریں۔
وزیر نیتن یاہو: حماس اپنے ہتھیار حوالے نہیں کرے گی۔ ہم غزہ کی جنگ میں واپس جائیں گے
?️ 4 نومبر 2025سچ خبریں: اسرائیل کے وزیر توانائی ایلی کوہن نے اسرائیل کے چینل
نومبر
لبنان کے خلاف ہر حملے کا فوری اور منہ توڑ جواب دیا جائے گا:سید حسن نصراللہ
?️ 23 مارچ 2023سچ خبریں:لبنان کے خلاف صیہونی حکومت کی دھمکیوں کے جواب میں لبنان
مارچ
حزب اللہ کے رکن پارلیمنٹ کا قومی مذاکرات کے لیے مزاحمت کی تیاری پر زور
?️ 16 نومبر 2026سچ خبریں: لبنانی پارلیمنٹ میں حزب اللہ سے وابستہ وفاداری برائے مزاحمت
نومبر
حماس اور حزب اللہ کے خلاف اسرائیل کی ناکامی
?️ 13 اکتوبر 2023سچ خبریں:ڈیوڈ شینکر، ریاستہائے متحدہ کے سابق نائب وزیر خارجہ مائیک پومپیو
اکتوبر
اسرائیل اور امریکہ کے درمیان اختلافات کو حل ہونا چاہیے: گیلنٹ
?️ 25 جون 2024سچ خبریں: اسرائیلی وزیر جنگ یوو گیلنٹ نے امریکی وزیر خارجہ انتھونی
جون
تل آویو اور صہیونی فوج کی سنسر شپ میں دھماکے کی آواز سنی گئی
?️ 4 اپریل 2022سچ خبریں: فلسطینی میڈیا نے پیر کی صبح اطلاع دی ہے کہ
اپریل
تل ابیب نے گیس پلیٹ فارم پر حزب اللہ کے حملے کی نقل تیار کی
?️ 21 مئی 2022سچ خبریں: اسرائیلی اخبار اسرائیل ہیوم نے رپورٹ کیا کہ اسرائیلی فضائیہ
مئی
سعودی خفیہ ایجنسیوں کا شاہی حکومت کے مخالفین کے خلاف کریک ڈاؤن تیز
?️ 9 ستمبر 2021سچ خبریں:سعودی حکومت کے مخالف ایک اکاؤنٹ نے اس ملک کی سکیورٹی
ستمبر