غزہ میں قحط کی وجہ سے فوری جنگ بندی کی ضرورت ہے:اقوام متحدہ کے سیکرٹری جنرل

بھوک

?️

غزہ میں قحط کی وجہ سے فوری جنگ بندی کی ضرورت ہے:اقوام متحدہ کے سیکرٹری جنرل
اقوام متحدہ کے سیکرٹری جنرل انتونیو گوتریش نے غزہ میں قحط کی باضابطہ تصدیق کے بعد کہا ہے کہ اب صرف الفاظ نہیں بلکہ فوری عمل کی ضرورت ہے۔ انہوں نے زور دے کر کہا کہ غزہ کے عوام کو بچانے کے لیے فوری جنگ بندی اور بغیر کسی رکاوٹ کے انسانی امداد کی فراہمی ناگزیر ہے۔
اقوام متحدہ کے ڈپٹی ترجمان ڈینیلا گروس کے مطابق گوتریش نے کہا کہ جب ایسا لگتا ہے کہ غزہ کے زندہ جہنم کو بیان کرنے کے لیے مزید الفاظ باقی نہیں رہے، ایک نیا لفظ شامل ہوا ہے: قحط۔ ان کے بقول یہ کوئی معمّا نہیں بلکہ انسانوں کے اپنے ہاتھوں سے بنائی گئی تباہی ہے، ایک اخلاقی ناکامی اور انسانیت کی شکست۔
گوتریش نے مزید کہا کہ لوگ بھوکے ہیں، بچے مر رہے ہیں اور جو قیادتیں عمل کرنے کی ذمہ دار ہیں وہ ناکام ہو رہی ہیں۔ ان کا کہنا تھا کہ اسرائیل بطور قابض قوت بین الاقوامی قوانین کے مطابق خوراک اور طبی سامان فراہم کرنے کا پابند ہے۔
انہوں نے خبردار کیا کہ اس المیے کو نظر انداز نہیں کیا جا سکتا اور وقت کل نہیں بلکہ آج ہے۔ اب کسی بہانے کی گنجائش نہیں بچی۔ فوری جنگ بندی، تمام یرغمالیوں کی رہائی اور وسیع پیمانے پر انسانی امداد تک رسائی لازمی ہے۔
ترجمان کے مطابق اقوام متحدہ کا دفتر برائے انسانی امور (OCHA) بھی بار بار متنبہ کر رہا ہے کہ عام شہری سب سے زیادہ متاثر ہو رہے ہیں۔ حملوں میں شدت آنے کے بعد غزہ کے اسپتالوں میں زخمیوں کی آمد بے قابو ہو گئی ہے۔ صرف گذشتہ رات جبالیہ اور دیگر علاقوں پر شدید بمباری کے بعد تقریباً ۹۰۰ افراد اپنے گھر بار چھوڑنے پر مجبور ہوئے۔
اقوام متحدہ نے فریقین کو یاد دہانی کرائی ہے کہ جنگی قوانین کے تحت عام شہریوں اور امدادی کارکنوں کا تحفظ لازمی ہے۔ متاثرہ افراد کو محفوظ ہجرت اور واپسی کے حق کی ضمانت دینا ہوگی۔
عالمی ادارہ صحت کے مطابق غزہ کے نصف سے زائد اسپتال تباہی کے دہانے پر ہیں جبکہ جنوبی علاقے کے مراکز کئی گنا زائد بوجھ تلے کام کر رہے ہیں۔ اگر فوری اقدام نہ ہوا تو بچائی جا سکنے والی اموات میں اضافہ ہوگا۔
ادارہ آئی پی سی (IPC) نے خبردار کیا ہے کہ غزہ شہر جہاں پانچ لاکھ افراد بستے ہیں قحط میں داخل ہو چکا ہے اور اگلے چند ہفتوں میں یہی صورتحال دیر البلح اور خان یونس تک پھیل سکتی ہے۔
اقوام متحدہ کے ذیلی اداروں بشمول ایف اے او، ڈبلیو ایف پی، یونیسف اور ڈبلیو ایچ او نے مشترکہ بیان میں کہا کہ قحط انسانی جانیں لے رہا ہے، خاص طور پر بچے شدید بھوک اور غذائی قلت کے نشانے پر ہیں۔ ان اداروں نے ایک بار پھر اسرائیل سے مطالبہ کیا ہے کہ انسانی بنیادوں پر فوری جنگ بندی اور امدادی راستے کھولے جائیں۔

مشہور خبریں۔

محض ٹوئٹس سے فوج میں بغاوت نہیں ہو سکتی، اسلام آباد ہائی کورٹ

?️ 14 نومبر 2022اسلام آباد:(سچ خبریں) اسلام آباد ہائی کورٹ نے اپنے ایک حکم میں

شاہ محمود قریشی کو 15 روز کیلئے نظر بند کرنے کا آرڈر جاری

?️ 26 دسمبر 2023اسلام آباد: (سچ خبریں) پاکستان تحریک انصاف(پی ٹی آئی) کے رہنما و

اسلام آباد ایئر پورٹ آؤٹ سورسنگ کیلئے مئی کے وسط تک تیار ہو جائے گا، خواجہ آصف

?️ 17 اپریل 2024اسلام آباد: (سچ خبریں) وزیرِ دفاع خواجہ آصف کا کہنا ہے کہ

شام میں دہشگردوں کی فائرنگ؛متعدد عام شہری جاں بحق

?️ 2 جون 2021سچ خبریں:شام میں امریکی حمایت یافتہ دہشتگردوں نے اس ملک کے شہریوں

الجولانی کی صہیونی ریاست سے تعلقات بہتر بنانے کی پیشکش 

?️ 23 اپریل 2025 سچ خبریں:امریکی ایوانِ نمائندگان کی رکن کری میلز نے انکشاف کیا

وزیر خارجہ نے کشمیر کے مسئلے پر تجاویز پیش کی ہیں

?️ 11 نومبر 2021اسلام آباد(سچ خبریں) وزیرخارجہ شاہ محمود قریشی نے اسلامی تعاون تنظیم (او

پاک بھارت کشیدگی: چین کیلئے خلا سے انٹیلی جنس معلومات کا حصول آسان ہوگیا

?️ 9 مئی 2025اسلام آباد: (سچ خبریں) پاک بھارت کشیدگی نے چین کو انٹیلی جنس

امام خمینی کا سب سے بڑا کارنامہ

?️ 5 جون 2021سچ خبریں:ایران کے روحانی پیشو اور اسلامی انقلاب کے رہبر آیت اللہ

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے