یمن جنگ میں سعودی عرب کی شکست کی متعدد وجوہات

?️ 2 مئی 2022

سچ خبریں:یمن جنگ اب سعودی شکست کے کئی پہلوؤں کے انکشاف کے ساتھ عارضی جنگ بندی میں ہے۔
سعودی اتحاد نے اپریل 2015 میں یمنی مستعفی حکومت کو اقتدار میں واپس لانے کے بہانے اس ملک کا محاصرہ اور فضائی حملہ کیا، طے یہ پایا تھا کہ یمنی افواج کے خلاف یہ جنگ جلد فتح کی طرف لے جانے والی تھی لیکن اس کے بجائے سعودی عرب اب جنگ شروع ہونے کے مقابلے میں بدتر اسٹریٹجک پوزیشن میں ہے۔

روئٹرز اور فرانس 24 سمیت متعدد مغربی ذرائع ابلاغ کا کہنا ہے کہ دو ماہ کی عارضی جنگ بندی کے ساتھ ہی یمن کے خلاف سعودی اتحاد کی جنگ آٹھویں سال میں داخل ہو گئی ہے، جیسا کہ فریقین کی طرف سے پہلی جنگ بندی کو قبول کیا گیا تھا۔

اقوام متحدہ کے مطابق یمن تقریباً آٹھ سال کی جنگ کے بعد دنیا کے بدترین انسانی بحران سے گزر رہا ہے جبکہ یمن پر سعودی اتحاد کے فضائی حملوں میں مبینہ طور پر اب تک ہزاروں شہری مارے جا چکے ہیں،اقوام متحدہ نے خبردار کیا ہے کہ چالیس لاکھ یمنی اپنے گھر بار چھوڑنے پر مجبور ہو چکے ہیں اور بیس لاکھ شہریوں کو خطرہ لاحق ہے۔

واضح رہے کہ اس دوران سعودی اتحاد نے یمن کے خلاف ہزاروں فضائی حملے کیے ہیں جن میں دسیوں ہزار یمنی مارے گئے ہیں، اقوام متحدہ نے یہ بھی کہا کہ براہ راست جھڑپوں کے نتیجے میں 10200 سے زیادہ یمنی بچے ہلاک یا زخمی ہوئے ہیں۔