عرب ممالک اور صیہونی اتحاد خطے کے استحکام کے حق میں ہے یا نقصان میں؟

?️ 16 فروری 2022

سچ خبریں:صیہونیوں کا متعد عرب ممالک کے دورے کرنے کامقصد خطے میں سکیورٹی اور فوجی اتحاد بنانا ہے جس کے اثرات اور نتائج پورے خطے کو متأثر کریں گے۔
صیہونی حکام کے عرب ممالک کے دوروں، جو اس قابض حکومت کے ساتھ اپنے تعلقات کو معمول پر لانے کے لیے شروع ہوئے ہیں، کا مقصد خطے میں سکیورٹی اور فوجی اتحاد بنانا ہے جس کے اثرات اور نتائج پورے خطے پر چھائے ہوئے ہیں،اس کا اندازہ غاصب اسرائیلی حکومت کے وزیر خارجہ کے دوروں اور وزیر جنگ کے دوروں کے بعد صیہونی وزیر اعظم نفتالی بینیٹ کے حالیہ دورہ بحرین سے کیا جا سکتا ہے۔

ان دوروں کا اہم مقصد، بحرین اور دیگر عرب ممالک کے فیصلہ ساز حلقوں پر غلبہ حاصل کرنے کے علاوہ، جو صیہونی حکومت کے ساتھ اپنے تعلقات معمول پر لاچکے ہیں، ایران کا مقابلہ کرنا ہے، جس سے امریکہ اور اسرائیل کی قیادت میں یہ عرب ریاستیں دشمنی رکھتی ہیں۔

منامہ میں بینیٹ کے ریمارکس کے پیش نظر یہ کوئی عجیب نہیں لگتا، جہاں انہوں نے کہا کہ ان کا دورہ ایران اور اس کے اتحادیوں، خاص طور پر یمن کے خلاف مشترکہ موقف اختیار کرنے کا ایک موقع ہے، اور نہ ہی یہ عجیب لگتا ہے کہ قابض حکومت کے وزیر اعظم کا بحرین کا دورہ جو منامہ کی 60 بین الاقوامی شرکاء کی میزبانی میں خطے میں وسیع بحری مشقوں کے ساتھ موافق ہے۔

واضح رہے کہ صیہونی حکومت کے ساتھ سعودی عرب، متحدہ عرب امارات، عمان، اردن اور مراکش فوجی مشقوں میں حصہ لے رہے ہیں جن کی قیادت بحرین میں مقیم امریکہ کی پانچویں بحریہ کر رہی ہے۔