جولانی کے دورۂ امریکہ کے اغراض و مقاصد

?️ 3 نومبر 2025

سچ خبریں:امریکی نمائندۂ خصوصی برائے امورِ شام نے انکشاف کیا ہے کہ ابو محمد جولانی (احمد الشرع) رواں ماہ واشنگٹن کا دورہ کریں گے۔

امریکی نمائندۂ خصوصی برائے امورِ شام ٹام باراک نے تصدیق کی ہے کہ احمد الشرع المعروف ابو محمد جولانی، جو شام کی عبوری عارضی حکومت کے سربراہ ہیں، رواں ماہ نومبر میں واشنگٹن کا دورہ کریں گے۔

یہ بھی پڑھیں:جولانی; 10 ملین ڈالر کے دہشت گرد سے لے کر اقوام متحدہ میں تقریر تک!

انہوں نے کہا کہ اس سفر کا مقصد شام و اسرائیل کے درمیان براہِ راست مذاکرات اور ممکنہ سکیورٹی معاہدے کو آگے بڑھانا ہے، جبکہ جولانی ائتلافِ ضدِ داعش میں شمولیت کے معاہدے پر بھی دستخط کرسکتے ہیں۔

اسکائی نیوز عربی ٹی وی چینل کے مطابق، ٹام باراک نے منامه اجلاس کے دوران بحرین میں ہونے والی گفتگو میں صحافیوں کے سوالات کے جواب میں کہا کہ ہاں، الشرع اس ماہ واشنگٹن کا سفر کریں گے اور غالب امکان ہے کہ وہ داعش کے مخالف اتحاد میں شمولیت کے معاہدے پر دستخط کریں گے۔

امریکی ویب سائٹ اکسیوس (Axios) نے بھی باراک کے حوالے سے لکھا کہ جولانی کا یہ مجوزہ دورہ واشنگٹن، امریکہ کی ثالثی میں شام اور اسرائیل کے درمیان براہِ راست مذاکرات کے پانچویں مرحلے کے طور پر انجام پائے گا۔

ٹام باراک کے مطابق، ان مذاکرات کا مقصد رواں سال کے اختتام سے قبل شام و اسرائیل کی سرحد کے حوالے سے ایک سکیورٹی معاہدہ طے کرنا ہے۔

مزید پڑھیں:جولانی کی نیویارک میں عالمی یہودی کانگریس کے صدر سے ملاقات

قابلِ ذکر ہے کہ احمد الشرع (ابو محمد جولانی) ستمبر میں اقوامِ متحدہ کی 80ویں جنرل اسمبلی اجلاس میں بھی شریک ہوئے تھے، جو 22 سے 30 ستمبر کے دوران منعقد ہوا، اس طرح نومبر کا یہ دورہ دو ماہ کے اندر ان کا یہ دوسرا امریکی دورہ ہو گا