کیا عائشہ جہانزیب خلع لینے جارہی ہیں؟ خود کیا کہتی ہیں؟

?️ 20 جولائی 2024

سچ خبریں: نجی ٹی وی کی اینکر عائشہ جہانزیب نے اپنے شوہر سے خلع کے لیے عدالت جانے کا اعلان کر دیا ہے۔

آج لاہور کی عدالت میں عائشہ جہانزیب نے اپنے وکیل کے ہمراہ پیش ہو کر تشدد کیس میں بیان ریکارڈ کروایا، انہوں نے کہا کہ جو بھی ہوا، بہت ظلم ہے اور کسی عورت کے ساتھ ایسا نہیں ہونا چاہیے۔

انہوں نے کہا کہ معززین نے جو بھی فیصلہ کیا، میں اسے مانتی ہوں اور کیس کی پیروی نہیں کرنا چاہتی۔

یہ بھی پڑھیں: شوہرکو شادی سے قبل بھائی بولا تو انہیں غصہ آگیا تھا، عائشہ جہانزیب

تاہم، جیو نیوز سے گفتگو کرتے ہوئے عائشہ جہانزیب نے شوہر سے صلح کی خبروں کی تردید کی اور کہا کہ انہوں نے اپنے شوہر سے کوئی صلح نہیں کی ہے۔ انہوں نے مزید کہا کہ وہ اپنے بچوں کو عدالتوں کے چکر نہیں لگوانا چاہتیں اور پیر کو عدالت میں خلع کا کیس دائر کریں گی۔

انہوں نے واضح کیا کہ بچوں کی کسٹڈی بھی ان کے پاس رہے گی۔

مزید پڑھیں: عورت مارچ کی وجہ سے خلع کی شرح میں اضافہ ہورہا ہے، نازش جہانگیر

یاد رہے کہ لاہور کینٹ کچہری کی عدالت نے عائشہ جہانزیب پر مبینہ تشدد کیس میں ملزم شوہر حارث علی کو جوڈیشل ریمانڈ پر جیل بھیج دیا ہے۔