کسی کو دیکھتی ہوں تو سوچتی ہوں کہ وہ میرے بچوں کے باپ کے طور پر صحیح ہوگا یا نہیں، حاجرہ یامین

?️

کراچی: (سچ خبریں) اداکارہ حاجرہ یامین نے کہا ہے کہ وہ کسی بھی مرد کو دیکھتی ہیں تو سب سے پہلے یہی سوچتی ہیں کہ مذکورہ شخص ان کے بچوں کے باپ کے طور پر صحیح انسان ہوگا یا نہیں؟

اداکارہ نے حال ہی میں ایک پوڈکاسٹ میں شرکت کی، جہاں انہوں نے مختلف معاملات پر کھل کر بات کی۔

پروگرام کے دوران بات کرتے ہوئے اداکارہ نے بتایا کہ شوبز انڈسٹری میں ان کے زیادہ دوست نہیں لیکن جو ان کے دوست ہیں، انہیں وہ کبھی خود سے دور ہونے نہیں دیں گی۔

ان کا کہنا تھا کہ انڈسٹری میں انہوں نے ان ہی لوگوں کو اپنا دوست بنا رکھا ہوا ہے جنہوں نے مشکل وقت میں ان کا ساتھ دیا اور اب وہ کسی بھی صورت میں انہیں خود سے دور جانے نہیں دیں گی۔

دوستوں کو آزمانے کے سوال پر حاجرہ یامین کا کہنا تھا کہ کبھی ایسی نوبت ہی نہیں آئی کہ دوستوں کو آزمایا جائے لیکن ان کے دوست اچھے ہیں، انہیں وہ کسی قیمت پر دور نہیں ہونے دیں گی۔

ایک اور سوال کے جواب میں اداکارہ نے بتایا کہ انڈسٹری میں کسی بھی ہدایت کار یا پروڈیوسر کے مطالبات کو نہ ماننے سے نقصان بھی ہوسکتا ہے اور انہیں بھی منع کرنے پر نقصان اٹھانا پڑا۔

ان کے مطابق ان کے انکار پر انہیں کاسٹ کیے جانے پر پابندی عائد کی گئی اور انہیں ایک طرف سے چار سے پانچ سال تک کوئی کام نہیں ملا، کیوں کہ انہوں نے ان کے مطالبات ماننے سے انکار کردیا تھا۔

حاجرہ یامین کا کہنا تھا کہ مطالبات ماننے سے انکار کا نقصان ان افراد کو ہو سکتا ہے جو جلد شہرت حاصل کرنا چاہتے ہیں لیکن جن کا مقصد اچھا کام اور انڈسٹری میں ہمیشہ موجود رہنا ہوتا ہے، انہیں انکار سے کوئی فرق نہیں پڑتا۔

اگرچہ اداکارہ نے دعویٰ کیا کہ ان کے انکار کی وجہ سے ان پر پابندی بھی عائد کی گئی اور انہیں کئی سال تک کاسٹ نہیں کیا گیا لیکن انہوں نے واضح نہیں کیا کہ انہوں نے کس طرح کے مطالبات ماننے سے انکار کیا اور ان سے کس نے مطالبات کیے تھے؟

پروگرام کے دوران بات کرتے ہوئے انہوں نے مستقبل میں خاندان بنانے اور شوہر سے متعلق بھی بات کی اور کہا کہ اب وہ کسی بھی مرد کو دیکھتی ہیں تو ان کے ذہن میں سب سے پہلا خیال یہی آتا ہے کہ مذکورہ شخص ان کے بچوں کے والد کے طور پر کیسے رہیں گے؟

اداکارہ کا کہنا تھا کہ انہوں نے کسی شخص کو تلاش نہیں کر رکھا لیکن فطری طور پر وہ جب بھی کسی کو دیکھتی ہیں تو یہی سوچتی ہیں کہ مذکورہ شخص کس طرح کا والد ہوگا؟ کیا وہ ان کے بچوں کا اچھا والد ہوگا یا نہیں؟

مشہور خبریں۔

نوری المالکی کا عراق میں اندرونی کشیدگی سے بچنے کی ضرورت پر زور 

?️ 27 اگست 2026سچ خبریں: عراق کے اتحاد دولت قانون کے سربراہ نوری المالکی نے

اسرائیلی پراسیکیوٹر کے دفتر نے نیتن یاہو کے مقدمے کی سماعت دو ہفتے کے لیے ملتوی کرنے کی مخالفت کی ہے

?️ 27 جون 2025سچ خبریں: اسرائیلی آرمی ریڈیو نے اطلاع دی ہے کہ اسرائیلی پراسیکیوٹر

چیلنجز کے باوجود معیشت مضبوط ہورہی ہے:وزیراعظم

?️ 8 جنوری 2022اسلام آباد(سچ خبریں)عالمی وباء کورونا وائرس نے دنیا میں معیشت کو کافی

فلسطینی و لبنانی مزاحمتی اتحاد کے اہم رکن شہید 

?️ 22 اپریل 2025 سچ خبریں:لبنان کی اسلامی جماعت کی عسکری شاخ فجر فورسز کے

فیس بک نے صارفین کے لئے اہم فیچر متعارف کرا دیا

?️ 11 دسمبر 2021نیویارک (سچ خبریں) سماجی رابطے کی ویب سائٹ فیس بک نے صارفین

کیا یمن میں امارات اور صیہونی حکومت کے درمیان اسٹریٹجک اتحاد نتیجہ خیز ہوگا؟

?️ 26 مارچ 2023سچ خبریں:متحدہ عرب امارات اور صیہونی حکومت کے درمیان تعلقات کو معمول

صیہونی جاسوس لبنانی فوج کے ہاتھوں گرفتار

?️ 23 جون 2023سچ خبریں:لبنانی فوج کے محکمہ اطلاعات نے آج صیہونی حکومت کے ایک

تحریک انصاف کے ناراض اراکین کی بزدار سے ملاقات،بھرپور اعتماد کا اظہار

?️ 13 مارچ 2022لاہور ( سچ خبریں ) پاکستان تحریک انصاف سے ناراض ہوکر بننے والے جہانگیر

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے