کرینہ کپور سوشل میڈیا پر اپنی مقبولیت کے جھنڈے گاڑنے میں کامیاب

?️ 14 جولائی 2021

ممبئی (سچ خبریں) بالی ووڈ سُپر اسٹار کرینہ کپور سوشل میڈیا پر بھی اپنی مقبولیت کے جھنڈے گاڑنے میں کامیاب ہوگئی ہیں۔یہ ایسی اداکارہ ہیں کہ جو  سلور اسکرین پر اپنی شاندار اداکاری اور اپنے منفرد اسٹائل سے اپنے مداحوں کے دل جیتنے میں کبھی ناکام نہیں ہوتیں۔

منفرد اور مضبوط کرداروں میں بڑی اسکرین پر جلوہ گر ہوکر نام کمانے والی بالی ووڈ کی ’بے بو‘ کے انسٹا فالوورز کی تعداد 7 ملین یعنی 70 لاکھ ہوگئی ہے۔کرینہ کپور اکثر و بیشتر اوقات سوشل میڈیا پر اپنے نئے پراجیکٹس سے متعلق اپنے مداحوں کو آگاہ کرتی رہتی ہیں اور کبھی کبھار اپنی فیملی اوردوستوں کے ساتھ بھی اپنی تصاویر اور ویڈیوز شیئر کرتی نظر آتی ہیں جوکہ ان کے مداحوں کی جانب سے کافی پسند کی جاتی ہیں۔

اداکارہ نے اب تک 297 انسٹا پوسٹس شیئر کی ہیں جب کہ صرف 64 انسٹا صارفین کو فالو کیا ہوا ہے جن میں ان کے قریبی عزیز و اقارب اور ساتھی اداکار شامل ہیں۔واضح رہے کہ چند سال پہلے تک کرینہ کپور کا شمار اُن معروف شخصیات میں ہوتا تھا جن کے انسٹاگرام پر اکاؤنٹ نہیں ہیں لیکن گزشتہ سال مارچ میں کرینہ کپور نے اپنے مداحوں کی محبت کو دیکھتے ہوئے گزشتہ سال ہی انسٹا پر اپنا آفیشل اکاؤنٹ بنایا۔

جب کرینہ کپور نے انسٹاگرام پر اکاؤنٹ بنایا تو دنیا بھر میں موجود اُن کے مداح بےحد خوش ہوئے اور رواں سال مارچ میں اداکارہ کو انسٹا جوائن کیے ہوئے ایک سال مکمل ہوگیا ہے۔