زندگی کے سب سے بڑے امتحان کا سامنا ہے:مشہور بھارتی اداکارہ

?️ 11 جون 2023

سچ خبریں:مشہور بھارتی اداکارہ کاجول نے سوشل میڈیا سے دوری اختیار کرتے ہوئے کہا ہے کہ مجھے زندگی کے سب سے بڑے امتحان کا سامنا ہے۔

بھارتی اداکارہ نے اپنے تمام سوشل میڈیا اکاؤنٹس پر پیغام جاری کرتے ہوئے سماجی رابطوں کی مختلف ویب سائٹس سے دوری اختیار کرنے کا اعلان کیا ہے۔

اداکارہ نے مختلف سوشل میڈیا پلیٹ فارمز پر ایک ہی پوسٹ شیئر کی ہے اور کہا ہے کہ وہ سوشل میڈیا سے بریک لے رہی ہیں۔

اس کے ساتھ ہی اداکارہ نے ایک تصویر بھی شیئر کی ہے جس پر تحریر ہے کہ میں اس وقت اپنی زندگی میں مشکل ترین آزمائش سے گزر رہی ہوں۔

اداکارہ نے فیس بُک اور ٹوئٹر پر سوشل میڈیا سے بریک لینے کا اعلان کیا ہے جبکہ انسٹاگرام پر اعلان کرنے کے ساتھ ساتھ اپنی تمام سابقہ تصاویر ڈیلیٹ کردی ہیں۔

واضح رہے کہ کاجول انسٹاگرام پر خاصا ایکٹو رہتی ہیں پوسٹس ڈیلیٹ کیے جانے سے قبل کاجول کے انسٹاگرام اکاؤنٹ پر  ان کی فیملی اور شوہر اجے دیوگن سمیت ، فلمی کیرئیر کی کئی تصاویر  موجود تھیں جنہیں اب ڈیلیٹ کردیا گیا ہے۔

اداکارہ کے پوسٹ ڈیلیٹ کیے جانے ساتھ ساتھ شیئر کیے گئے پیغام کے باعث ان کے مداح پریشان ہوگئے ہیں جبکہ بہت سے لوگ ان سے سوشل میڈیا پر واپس آنے کی درخواست بھی کر رہے ہیں، کسی نے ان کی ہمت بڑھاتے ہوئے کہا کہ برا وقت ہے گزر جائے گا تو کسی نے اسے ایک پبلسٹی اسٹنٹ کہا۔