حمیرا اصغر کی رازداری کا احترام کریں، بشریٰ انصاری اور حدیقہ کیانی کی سوشل میڈیا صارفین سے اپیل

?️

کراچی: (سچ خبریں) شوبز انڈسٹری کی سینئر اداکارہ بشریٰ انصاری اور گلوکارہ حدیقہ کیانی نے سوشل میڈیا صارفین سے اپیل کی ہے کہ وہ مرحومہ اداکارہ حمیرا اصغر کی ذاتی زندگی اور خاندانی معاملات کو عام کرنے سے گریز کریں۔

حمیرا اصغر کی لاش 8 جولائی کو کراچی کے علاقے ڈی ایچ اے کے ایک کرائے کے فلیٹ سے ملی تھی، جہاں وہ 2018 سے تنہا رہائش پذیر تھیں، پولیس اور ابتدائی پوسٹ مارٹم رپورٹ کے مطابق، اداکارہ کی لاش تقریباً 10 ماہ پرانی تھی۔

حمیرا اصغر کی تدفین 11 جولائی کو ان کے آبائی شہر لاہور میں کی گئی۔

بشریٰ انصاری نے انسٹاگرام پر ایک ویڈیو شیئر کی، جس میں انہوں نے حمیرا اصغر کی افسوسناک موت پر ردعمل دیتے ہوئے کہا کہ اگر اداکارہ کا خاندان ناراض بھی تھا تو کم از کم ان کے قریبی لوگوں کو ان کے ساتھ رابطے میں رہنا چاہیے تھا، ان سے اتنا بے خبر نہیں ہونا چاہیے تھا۔

انہوں نے مداحوں سے یہ بھی اپیل کی کہ وہ حمیرا کے کردار پر تبصرے اور چغلیاں کرنا بند کریں۔

دوسری جانب، گلوکارہ اور اداکارہ حدیقہ کیانی نے بھی انسٹاگرام پر پوسٹ شیئر کرتے ہوئے حمیرا اصغر کے خاندانی معاملات کا احترام کرنے کی اپیل کی۔

انہوں نے لکھا کہ حمیرا نے زندگی بھر اپنی نجی زندگی کو شہرت یا ویوز کے لیے کبھی استعمال نہیں کیا، تو اب ان کی وفات کے بعد کیوں ان کے ذاتی معاملات کو بے رحمی سے زیربحث لایا جا رہا ہے؟ خدا کے لیے، انہیں سکون سے آرام کرنے دیں۔

حدیقہ کیانی نے مزید لکھا کہ وہ سب سے گزارش کرتی ہیں کہ حمیرا اصغر کی تصاویر اور ذاتی زندگی کو سوشل میڈیا پر شیئر کرنا بند کریں، وہ اپنی زندگی میں ان معاملات کو عوام میں زیرِ بحث نہیں لانا چاہتی تھیں تو اب ان کی وفات کے بعد ایسا کیوں کیا جا رہا ہے؟ براہِ کرم ان کی نجی زندگی کا احترام کریں۔

انہوں نے لکھا کہ ریٹنگز یا سوشل میڈیا انگیجمنٹ کے پیچھے بھاگنے کے بجائے ان کے لیے دعا کریں، جو لوگ ہمدردی کا دعویٰ کرتے ہوئے ان کی ویڈیوز، ریلز اور حتیٰ کہ ان کی بےجان تصاویر شیئر کر رہے ہیں، وہ دراصل ان کی یاد کا استحصال کر رہے ہیں۔

حدیقہ کیانی کے مطابق ایسے لوگوں کو شرم آنی چاہیے، ان کی نجی زندگی کا احترام کریں، ان کی روح کو عزت دیں اور ان کے غمزدہ خاندان کے لیے صبر و سکون کی دعا کریں، ساتھ ہی انہوں نے اداکارہ کی مغفرت کے لیے بھی دعا کی۔

مشہور خبریں۔

تل ابیب کی سڑکوں پر کیا ہو رہا ہے؟

?️ 25 جون 2023سچ خبریں:مقبوضہ علاقوں کے لاکھوں باشندوں نے ہفتے کے روز مسلسل 25ویں

وزیراعظم کا عالمی برادری سے انتہاپسندی کے خلاف ایکشن لینے کا مطالبہ

?️ 12 جون 2021اسلام آباد (سچ خبریں) وزیراعظم عمران خان عالمی برادری سے انتہا پسندی 

یورپ میں ہونے والے منظم جرائم کے بارے میں اہم انکشاف ہوگیا

?️ 13 اپریل 2021ہنگری (سچ خبریں) امن کا جھوٹا دعویٰ کرنے والے یورپی ممالک میں

9 مئی کیسز: عمران خان کی عبوری ضمانتیں مسترد کرنے کیخلاف درخواست سماعت کیلئے مقرر

?️ 20 جنوری 2024لاہور: (سچ خبریں) 9 مئی جلاؤ گھیراؤ کے مقدمات میں بانی پاکستان

ابتدائی حلقہ بندیاں: کراچی کی ایک قومی، تین صوبائی اسمبلی کی نشستیں بڑھ گئیں۔

?️ 28 ستمبر 2023اسلام آباد: (سچ خبریں) الیکشن کمیشن آف پاکستان کی طرف سے جاری

اسرائیلی وزراء کے بیانات غیر ذمہ دارانہ ہیں: جرمنی

?️ 6 ستمبر 2024سچ خبریں: جرمنی کے وزیر خارجہ نے نیتن یاہو کی کابینہ کے انتہا

زرمبادلہ کے ذخائر28 کروڑ ڈالر اضافے کے بعد 10 ارب ڈالرسے متجاوز

?️ 25 مارچ 2023اسلام آباد:(سچ خبریں) پاکستان کے زرمبادلہ کے ذخائر28 کروڑ ڈالر اضافے کے

بحرینی انجمنوں کی صیہونی حکومت کے ساتھ اقتصادی کانفرنس منسوخ کرنے کی درخواست

?️ 8 مارچ 2023سچ خبریں:صیہونی حکومت کے ساتھ تعلقات کو معمول پر لانے کے خلاف

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے