صیہونیوں کا گریٹر اسرائیل کا خواب چکنا چور

?️ 19 مئی 2021

سچ خبریں:ایران کے وزیر دفاع نے تہران میں شام کے وفد کے ساتھ ملاقات کے دوران کہا کہ فلسطینی مزاحمتی تحریک کی وجہ سے نیل سے فرات تک صیہونیوں کا گریٹر اسرائیل کا خواب مٹی میں مل گیا ہے۔
ایران کے وزیر دفاع امیر حاتمی نے تہران میں شام سے آنے والے وفد کے ساتھ ملاقات کے دوران کہا کہ فلسطین کے بہادرعوام پتھروں سے انتفاضہ کے بعد میزائل انتفاضہ تک پہنچ گئے ہیں، اور انہوں نے نیل سے فرات تک کے سہانے خواب کو دہشت گردی کے صیہونی اڈے کے لیے ڈراؤنے خواب میں تبدیل کردیا ہے،ایران کے وزیر دفاع نے غزہ میں بے گناہ فلسطینی بچوں اور عورتوں کے قتل عام کی مذمت کرتے ہوئے کہا کہ فلسطینی مجاہدین نے تسلط پسند عالمی طاقتوں اور اسرائیل کے حمایت یافتہ تکفیری دہشت گرد گروہوں کے خلاف شامی عوام کی استقامت اور پائیداری سے سبق حاصل کرتے ہوئے، ناجائز صیہونی ریاست کے ناپاک عزائم کو خاک میں ملادیا ہے۔

ایران کے وزیر دفاع نے مزاحمتی بلاک میں شام کے کلیدی کردار کی جانب اشارہ کرتے ہوئے کہا کہ تہران ، شام کی ارضی سالمیت کے دفاع اور دہشت گردی کے خلاف جنگ میں پوری قوت کے ساتھ شامی حکومت اور عوام کے ساتھ کھڑا ہے،شامی وفد کے ارکان نے اس ملاقات میں دہشت گردی کے خلاف جنگ میں ایران کے کردار کو سراہتے ہوئے، شام کی تعمیر نو میں ایران کے سرکاری اور نجی شعبے کی مشارکت کا خیر مقدم کیا۔