شامی فوج کا امریکی قافلے کا مقابلہ

?️ 19 دسمبر 2021

سچ خبریں:شامی فوج نے اس ملک کےشمال مغربی صوبے حسکہ میں پانچ فوجی گاڑیوں پر مشتمل امریکی فوجیوں کے قافلے کا مقابلہ کیا اور انہیں علاقہ چھوڑنے پر مجبور کردیا۔
شام کی سرکاری خبر رساں ایجنسی سانا کی رپورٹ کے مطابق شامی فوج نے حسکہ کے شمال مغرب میں واقع تل تمر کے علاقے میں امریکی فوجیوں کے ایک قافلے سے مقابلہ کیا، جس کے نتیجے میں وہ علاقہ چھوڑ کر اپنے اڈے پر واپس چلے گئے۔

حسکہ میں سانا کے نامہ نگار نے خبر دی ہےکہ شامی فوج کی ایک چوکی نے ہفتے کے روز شمال مغربی صوبہ حسکہ کے علاقے تل تمر میں منسف نامی گاؤں میں پانچ امریکی فوجی گاڑیوں کے قافلے کا مقابلہ کیا اور انہیں وہاں سے واپس اپنے اڈے پر جانے کے لیے مجبور کیا۔

قابل ذکر ہے کہ صوبہ حسکہ کے شمال میں واقع دو دیہات تل الذہب اور الصالحیہ کے مکینوں نے گزشتہ روز امریکی فوجیوں کے دو قافلوں کا مقابلہ اور انہیں علاقہ چھوڑنے پر واپس اپنے اڈوں پر جانے کے لیےمجبور کردیا۔
یادرہے کہ امریکہ داعش کا مقابلہ کرنے کے بہانے شامی حکومت کی اجازت کے بغیر اس ملک میں داخل ہوا تھا جہاں متعدد زمینی حقائق یہ ثابت کرتے ہیں کہ اس نے نہ صرف یہ کہ داعشی دہشتگردوں کا مقابلہ نہیں کیا بلکہ ان کے لیے ایک سہولت کار کے فرائض انجام دیے اور ابھی تک دے رہا ہے۔