سڑک حادثے میں ویسٹ انڈیز کے سابق کرکٹر ایزرا موزلے ہلاک

?️ 8 فروری 2021

بارباڈوس (سچ خبریں) 63 سالہ ایزرا موزلے نے ویسٹ انڈیز کیلئے دو ٹیسٹ اور نو ون ڈے میچ کھیلے جبکہ انہوں نے بارباڈوس کیلئے کھیلنے سے قبل انگلینڈ میں گلیمورگن کیلئے کھیل کراپنے فرسٹ کلاس کیرئیر کا آغاز کیا تھا۔ ویسٹ انڈیز کرکٹ ٹیم کے سابق فاسٹ باؤلرایک سڑک حادثے میں ہلاک ہو گئے ہیں۔

اس وقت ویسٹ انڈین ٹیم میں اینڈی رابرٹس، مائیکل ہولڈنگ ، جوئل گارنر اور کولن کروفٹ کی موجودگی کی وجہ سے انہیں ٹیم میں زیادہ جگہ نہیں مل سکی جبکہ کمر کی تکلیف کی وجہ سے بھی انہیں سرجری کی ضرورت تھی جس کی وجہ سے وہ زیادہ نہ کھیل سکے۔

1982 میں وہ جنوبی افریقہ کا دورہ کرنے والی باغی ویسٹ انڈین ٹیم کا بھی حصہ تھے جس کی وجہ سے ان پر تاحیات پابندی عائد کی گئی تاہم بعد میں وہ واحد کرکٹر تھے جو پابندی ختم ہونے کے بعد پھر ویسٹ انڈین ٹیم میں شامل ہوئے۔