?️
سرینگر: (سچ خبریں) بھارت میں فرید آباد واقعے اور لال قلعہ دھماکے کی آڑ میں کشمیری ڈاکٹروں کے خلاف ظالمانہ کارروائیوں کے بعد بی جے پی کی ہندوتوا حکومت نے اب کشمیری صحافیوں کو نشانہ بنانے کا سلسلہ تیز کردیاہے۔
کشمیر میڈیا سروس کے مطابق 20نومبر کو نئی دہلی کے زیر کنٹرول ریاستی تحقیقاتی ایجنسی (SIA)نے تاریخی اخبار” کشمیر ٹائمز” کے جموں کے دفتر پر چھاپہ مارا اور تلاشی کے دوران اے کے47کی گولیاں، پستول کی گولیاں اور گرینیڈکا لیور برآمدکرنے کا دعویٰ کیا۔
اخبارکی ایگزیکٹیو ایڈیٹر انورادھا بھسین کے خلاف ایک ایف آئی آر درج کی گئی جس میں ان پربھارت مخالف سرگرمیوںمیں ملوث ہونے اور انتشارپھیلانے کا الزام لگایاگیا۔قابض حکام نے اس کارروائی کو انٹیلی جنس معلومات کی بنیاد صحافت کی آڑ میں بھارت مخالف بیانیے کو فروغ دینے والے نیٹ ورکس کے خلاف جاری کارروائیوں کا حصہ قرار دیا۔ اب انورادھا بھسین سے نام نہاد سرگرمیوں کے بارے میں پوچھ گچھ کی جائے گی۔
تجزیہ کاروں کا کہنا ہے کہ صحافیوں کو نشانہ بنانا ڈاکٹروںکے خلاف کارروائیوں کا آئینہ دار ہے جو اختلافی آوازوں کو دبانے اور معاشرے کے ان شعبوں کوہراساں کرنے کی ایک منظم کوشش ہے جو ہندوتوا حکومت کی پالیسیوں پر تنقید کررہے ہیں۔
التجا مفتی سمیت سیاسی رہنماؤں نے اس کارروائی کی مذمت کرتے ہوئے اسے ظلم قرار دیا۔ انہوں نے کہا کہ ملک دشمنی کے الزامات کی آڑ میں اظہار رائے کی آزادی کوسلب کیا جا رہا ہے۔
ڈاکٹروں اور صحافیوں کو نشانہ بنانے سے مقبوضہ جموں و کشمیر میں پیشہ ورافراد اور سول سوسائٹی کے خلاف ہندوتوا یلغار کی عکاسی ہوتی ہے۔تجزیہ کاروں کا کہنا ہے کہ مودی حکومت کی ظالمانہ کارروائیوں سے یہ حقیقت واضح ہوجاتی ہے کہ مقبوضہ علاقے میں سچ کو بیان کرنا جرم قراردیاجاتاہے، آزاد آوازوں کو منظم طریقے سے دبایا جاتا ہے اور سچ بولنے کی کوشش کرنے پر ہراساں یا تشدد کا نشانہ بنایاجاتا ہے۔
سینئر صحافیوں کو نشانہ بنانے سے لے کر میڈیا ہاؤسز کو سیل کرنے اور تاریخی دستاویزات کو مٹانے تک بھارتی حکومت اختلاف رائے کو کچلنے اور تاریخ کوارسرنو تحریر کرنے کے لیے کالے قوانین کو ہتھیار کے طورپر استعمال کررہی ہے۔ انہوں نے کہا کہ یہ آمرانہ کارروائی امن و امان کا معاملہ نہیں بلکہ کشمیریوں کو خاموش کرنے، بیانیے کو کنٹرول کرنے اورعلاقے پر اپنے قبضے کو مستحکم کرنے کی ایک سوچی سمجھی حکمت عملی ہے۔


مشہور خبریں۔
یمنی فوج کا جیزان میں سعودی جارح ٹھکانوں پر میزائل حملہ
?️ 25 دسمبر 2021سچ خبریں: یمنی مسلح افواج کے ترجمان یحیی ساری نے کہا کہ خدا
دسمبر
برطانیہ پہلے سے زیادہ خطرناک صورتحال سے دوچار :اسٹارمر
?️ 6 جون 2026سچ خبریں: کیئر اسٹارمر، وزیراعظم برطانیہ نے دفاعی کمپنی اسٹارک کے دورے کے
جون
اسرائیل حماس سے ہار چکا ہے: صیہونی تھنک ٹینک
?️ 26 مئی 2022سچ خبریں:ایک صیہونی تھنک ٹینک نے اپنی ایک نئی رپورٹ میں اعتراف
مئی
واشنگٹن کی اسرائیل کو 8 بلین ڈالر کی فوجی امداد
?️ 4 جنوری 2025سچ خبریں: ایک امریکی اہلکار نے اعلان کیا کہ جو بائیڈن انتظامیہ
جنوری
مشعال ملک کا یاسین ملک کی مسلسل بھوک ہڑتال ، گرتی ہوئی صحت پر اظہار تشویش
?️ 9 نومبر 2024اسلام آباد: (سچ خبریں) نئی دلی کی بدنام زمانہ تہاڑ جیل میں
نومبر
وزیر اعظم کا وادی تیراہ میں خوارج کی فائرنگ سے شہریوں کی شہادت پر اظہار افسوس
?️ 28 جولائی 2025اسلام آباد (سچ خبریں) وزیر اعظم شہبازشریف نے وادی تیراہ میں خوارج
جولائی
اسلام آباد ہائیکورٹ سوشل میڈیا رُولز کا عالمی معیار کے تحت جائزہ لے گی
?️ 22 نومبر 2021اسلام آباد (سچ خبریں) تفصیلات کے مطابق اسلام آباد ہائیکورٹ میں سوشل
نومبر
اسرائیل کو شکست دینے کے لیے ہماری قوم کا عزم مضبوط ہوتا جا رہا ہے: فلسطینی استقامت
?️ 6 جون 2022سچ خبریں: فلسطینی استقامتی گروپوں نے اتوار کی سہ پہر ایک بیان
جون