سرینگر: (سچ خبریں) غیرقانونی طورپر بھارت کے زیر قبضہ جموں وکشمیر میں کل جماعتی حریت کانفرنس نے عالمی برادری بالخصوص اقوام متحدہ سے مطالبہ کیا ہے کہ وہ تنازعہ کشمیر کو حل کرانے اور مقبوضہ جموں و کشمیر میں بھارتی فورسز کی طرف سے جاری انسانی حقوق کی سنگین خلاف ورزیوں کو بند کرانے کے لئے اپنا کردار اداکرے۔
کشمیرمیڈیاسروس کے مطابق کل جماعتی حریت کانفرنس میں شامل تنظیموں اور رہنماؤں نے سرینگر میں جاری اپنے بیانات میں کہا کہ بھارت مقبوضہ علاقے میں نہ صرف دہشت گرد کارروائیوں میں ملوث ہے بلکہ اس نے کشمیری عوام کو ان کے سیاسی، سماجی ،معاشی اورمذہبی حقوق سے بھی محروم کررکھا ہے۔
بیانات میں اقوام متحدہ، یورپی یونین اور عالمی برادری پر زور دیا گیا کہ وہ بھارت کو اس کے جنگی جرائم پر جوابدہ ٹھہرائیں۔ انہوں نے کشمیریوں کے حق خودارادیت کے مطالبے کو دہراتے ہوئے کہا کہ مقبوضہ جموں وکشمیرمیں جاری جدوجہد آزادی کو گرفتاریوں اور ہراساں کئے جانے سے دبایا نہیں جا سکتا۔
حریت رہنماؤں نے عالمی برادری سے مطالبہ کیا کہ وہ کشمیری عوام کو ان کے حق خودارادیت سے محروم کرنے اور انہیں مسلسل ریاستی دہشت گردی کا نشانہ بنانے پر بھارت کو ایک دہشت گرد ریاست قراردے۔بیانات میں جموں و کشمیر کے عوام سے اپیل کی گئی کہ وہ حوصلے کے ساتھ بھارت کے ظلم و بربریت کا مقابلہ کریں اور اپنے حقوق کے حصول کے لیے پرامن احتجاج اور مظاہرے جاری رکھیں۔اقوام متحدہ، یورپی یونین اور عالمی برادری پر زور دیا گیا کہ وہ بھارت کو اس کے جنگی جرائم پر جوابدہ ٹھہرائیں۔ انہوں نے کشمیریوں کے حق خودارادیت کے مطالبے کو دہراتے ہوئے کہا کہ مقبوضہ جموں وکشمیرمیں جاری جدوجہد آزادی کو گرفتاریوں اور ہراساں کئے جانے سے دبایا نہیں جا سکتا۔
