بھارت نے کشمیریوں کے خلاف باقاعدہ جنگ چھیڑ رکھی ہے : کل جماعتی حریت کانفرنس

?️

سرینگر: (سچ خبریں) غیرقانونی طورپر بھارت کے زیر قبضہ جموں وکشمیرمیں کل جماعتی حریت کانفرنس نے عالمی برادری سے اپیل کی ہے کہ وہ تنازعہ کشمیر کے پرامن حل کے لیے بھارت پر دباؤ ڈالے کیونکہ بی جے پی کی زیرقیادت بھارتی حکومت نے نہتے کشمیریوں کے خلاف باقاعدہ جنگ چھیڑ رکھی ہے۔

کشمیرمیڈیاسروس کے مطابق کل جماعتی حریت کانفرنس کے ترجمان ایڈوکیٹ عبدالرشید منہاس نے سرینگر میں جاری ایک بیان میں کہا کہ بھارتی فورسز مقبوضہ جموں و کشمیر میں من گھڑت الزامات پر گھروں پر چھاپے ماررہی ہیں ،ڈاکٹروں اوربے گناہ نوجوانوں کو گرفتارکررہی ہیں اور انسانی حقوق کی دیگر سنگین خلاف ورزیوں کی مرتکب ہو رہی ہیں۔

انہوں نے عالمی برادری پر زور دیا کہ وہ اس بات کو یقینی بنائے کہ بھارت مسئلہ کشمیر کو ہمیشہ کے لیے حل کرنے کے لیے ٹھوس اقدامات کرے۔ایڈوکیٹ منہاس نے کہا کہ بھارتی فورسز آزادی پسند کشمیریوں کو خوفزدہ کرنے کے لیے مقبوضہ علاقے میں اندھا دھند چھاپے اور محاصرے اور تلاشی کی کارروائیاں کررہی ہیں۔

10 نومبر کو لال قلعہ کے واقعے کے بعد سے سینکڑوں بے گناہ کشمیریوںکوجن میں ڈاکٹر، ماہرین تعلیم اور طلبا ء شامل ہیں ،من گھڑت الزامات پرگرفتار کیا گیا ہے اور دہشت گردی کی جھوٹی کہانیاں گھڑ ی جارہی ہیں۔

غیر قانونی سرگرمیوں کی روک تھام کے قانون یواے پی اے اور پبلک سیفٹی ایکٹ (PSA)جیسے کالے قوانین کو بغیر ثبوت یا منصفانہ ٹرائل کے من مانی گرفتاریوں کے لیے ہتھیارکے طورپراستعمال کیا جا رہا ہے۔

گھروں پر چھاپے مارے جاتے ہیں، جائیدادوں پر قبضہ کیا جاتا ہے اورلوگوں کوتلاشی کے بہانے ہراساں کیا جاتا ہے جبکہ ”وائٹ کالر عسکریت پسندی” کالیبل لگاکرجان بوجھ کر پیشہ ور افراد کو نشانہ بنایا جاتا ہے۔

ترجمان نے کہاکہ یہ کارروائیاں اختلاف رائے کو دبانے، تعلیم کو جرم بنانے اورآزادی کا مطالبہ کرنے پرکشمیریوں کو سزا دینے کی کوشش ہے۔مودی حکومت کے اقدامات ظلم وجبر، نگرانی اور نفسیاتی جنگ پر مبنی نوآبادیاتی ایجنڈے کی عکاسی کرتے ہیں۔

انہوں نے کہاکہ مسلسل جبر کے باوجود کشمیری عوام کا جذبہ آزادی غیر متزلزل ہے ۔ انہوں نے کہا کشمیریوں کو دہشت زدہ کرنے اور ظلم کا نشانہ بنانے پر بھارت کو بین الاقوامی سطح پر جوابدہ بنایاجانا چاہیے۔

مشہور خبریں۔

حماس  کے پاس صہیونی قیدی ابھی تک زندہ ہیں

?️ 10 اگست 2022سچ خبریں:     تحریک حماس کے شعبہ اطلاعات کے سربراہ علی العمودی

فرانس میں ملک گیر احتجاج؛ ۱۳۱۴ افراد گرفتار، متعدد زخمی

?️ 25 اکتوبر 2026سچ خبریں:فرانس کی وزارت داخلہ نے اعلان کیا ہے کہ ہفتے کے

صیہونی حکومت کے حق میں سعودی اور امارات کی حرکتیں بے نقاب

?️ 26 نومبر 2023سچ خبریں:غزہ کی پٹی کی حمایت میں صیہونی عبوری حکومت کے خلاف

اسلام آباد کچہری کے باہر پولیس کی گاڑی پر خُودکش دھماکے میں 12 افراد شہید، 27 زخمی

?️ 11 نومبر 2025اسلام آباد: (سچ خبریں) اسلام آباد کے علاقے جی الیون میں کچہری

ایک ضمنی الیکشن شریف کی  ڈوبتی سیاست کا سہارا نہیں بن سکتا:شہباز گل

?️ 11 اپریل 2021اسلام آباد(سچ خبریں)وزیر اعظم عمران خان کے معاون خصوصی برائے سیاسی ابلاغ

مقاومت برقرار رہے گی، حکومت کو اسرائیل سے لڑنے کے بارے میں سوچنا چاہیے: لبنانی نمائندہ

?️ 7 اکتوبر 2025سچ خبریں: لبنان کی پارلیمنٹ کے رکن حسن فضل اللہ نے زور دے

غزہ کی صورتحال کے بارے میں UNRWA کی رپورٹ

?️ 23 دسمبر 2023سچ خبریں: UNRWA ایجنسی کے ایک ڈائریکٹر نے غزہ کی صورتحال کو

روس کا یوکرین کی فوجی تنصیبات پر جوابی حملہ

?️ 20 اپریل 2026سچ خبریں:روسی وزارت دفاع کے مطابق یوکرین کی فوجی و صنعتی تنصیبات

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے