?️
سرینگر : (سچ خبریں) بھارت کے غیر قانونی زیر قبضہ جموں وکشمیر کل جماعتی حریت کانفرنس کی اکائی جموں وکشمیر ماس موومنٹ کے رہنماﺅں نے تنظیم کی سربراہ فریدہ بہن جی کے والد محمد یوسف بیگ کو ان کے32 ویں یوم شہادت پر شاندار خراج عقید ت پیش کرتے ہوئے شہداء کے مشن کی تکمیل تک جدوجہد جاری رکھنے کے کشمیریوں کے عزم کا اعادہ کیا ہے۔
میڈیا کے مطابق محمد یوسف بیگ کو بھارتی فوج نے 23 نارچ1992 کوسرینگر میں گھر پر چھاپے کے دوران بہیمانہ تشدد کر کے شہید کیا تھا۔فوجیوں نے ان کے گھر سے دو آزادی پسند نوجوانوں جاوید احمد شالہ اور محمد صادق صوفی کو گرفتار کیا جو بعداز اں قابض فوجیوں کی زیر حراست لاپتہ ہو گئے۔
فریدہ بہن جی نے ایک بیان میں اپنے والدمحمد یوسف بیگ کوخراج عقید ت پیش کرتے ہوئے کہا ہے کہ کشمیری اپنے لہو سے جدوجہد آزادی کی ایک نئی داستان رقم کررہے ہیں ،کوئی اپنا لخت جگراتحریک پر قربان کررہا ہے ،کسی کا باپ،کسی کا شوہر ،کسی کا بیٹا قربان ہورہا ہے ۔ انہوںنے کہا کہ شہداءکی عظیم قربانیاں تحریک آزادی کا ایک عظیم سرمایہ ہیں ۔ انہوں نے کہا کہ کشمیری عوام کسی کو بھی شہداءکی قربانیوں سے کسی قسم کی سودا بازی کرنے کی ہرگز اجازت نہیں دیں گے۔
ماس موﺅمنٹ کے چیف آرگنائزر عبدالرشید لون نے شہید محمد یوسف بیگ کو خراج عقیدت پیش کرتے ہوئے کہا کہ ہم شداءکی قربانیوں کی حفاظت کریں گے ،ان کا مشن منزل کے حصول تک جاری رکھا جائے گا ۔ انہوںنے کہا کہ شہداءکی عظیم قربانیاں جلد رنگ لائیں گی اور کشمیر ی بھارت سے آزادی حاصل کرلیں گے ۔ پارٹی کے رہنماوں پرنس سلیم ،معراج الدین ذرگر ، منظور احمد ڈار، واحد الزمان، فاروق احمد،شکیل احمد خان ، شیخ ہلال،محمد لطیف بٹ ،سید تنویر ، غلام محی الدین ،ریاض احمد شیخ ،نصیر احمد خان ،محمدبلال بٹ اور دیگر نے بھی شہید محمد یوسف بیگ کو ان کے یوم شہادت پر شاندار خراج عقید ت پیش کرتے ہوئے کہاکہ بھارت کے تمام تر ظلم وتشدد کے باوجود کشمیریوں کے حوصلے بلند ہیں اور وہ شہداءکے مقدس مشن کی تکمیل تک جدوجہد جاری رکھنے کیلئے پرعزم ہیں۔
ماس موومنٹ کے رہنماوں نے انسان حقوق کی عالمی تنظیموں پر زور دیا کہ وہ جاوید احمدشالہ اور محمد صادق صوفی سمیت بھارتی فوجیوں کی زیر حراست لاپتہ ہونے والے دیگر ہزاروں کشمیریوں کے بارے میں معلومات کی فراہمی کیلئے بھارت پر دباﺅ ڈالیں۔


مشہور خبریں۔
امریکی ٹیرف پالیسی نے دنیا کو متاثر کیا
?️ 20 فروری 2025 سچ خبریں: 2025 میں ورلڈ ٹریڈ آرگنائزیشن کی جنرل کونسل کے
فروری
ایران کے ساتھ جنگ درمیان انتخابات کے فوراً بعد ختم ہو جائے گی : ٹرمپ کا دعویٰ
?️ 10 ستمبر 2026سچ خبریں: ڈونلڈ ٹرمپ، امریکہ کے صدر نے دعویٰ کیا ہے کہ
ستمبر
کون سے ممالک نے ایران پر امریکی حملے کی مذمت نہیں کی؟
?️ 23 جون 2025 سچ خبریں:امریکہ کے ایران پر ایٹمی تنصیبات پر حملے کی مذمت
جون
حزب اللہ کی طاقت تیزی سے بڑھ رہی ہے: صہیونی میڈیا کا اعتراف
?️ 4 نومبر 2025سچ خبریں:صہیونی میڈیا نے تسلیم کیا ہے کہ حزب اللہ کی طاقت
نومبر
وزیراعلیٰ خیبر پختونخوا کی شکایات کے بعد بلٹ پروف گاڑیاں بلوچستان کو دینے کا فیصلہ
?️ 22 اکتوبر 2025اسلام آباد: (سچ خبریں) وفاقی حکومت کی جانب سے فراہم کی گئی
اکتوبر
نیفتالی بینیٹ نے وزیر اعظم بنتے ہی دہشت گردی شروع کردی، مقبوضہ بیت المقدس میدان جنگ میں تبدیل
?️ 16 جون 2021مقبوضہ بیت المقدس (سچ خبریں) اسرائیلی انتہاپسند یہودی نیفتالی بینیٹ نے وزیر اعظم
جون
افغانستان میں احمد شاہ مسعود کے بیٹے احمد مسعود نے طالبان کے خلاف اہم اعلان کردیا
?️ 23 اگست 2021کابل (سچ خبریں) افغانستان کے علاقے وادی پنج شیر میں احمد شاہ
اگست
پاکستان میں ہونے والی دہشت گردی کو بیرونی پشت پناہی حاصل ہے۔ عطاءاللہ تارڑ
?️ 31 جولائی 2025اسلام آباد (سچ خبریں) وفاقی وزیر اطلاعات و نشریات عطاء اللہ تارڑ
جولائی