کشمیریوں کے خلاف بھارتی بربریت عالمی برادری کے لیے چیلنج

بھارتی

?️

سچ خبریں: غیر قانونی طور پر بھارت کے زیر قبضہ جموں و کشمیر میں بھارتی بربریت عالمی برادری کے لئے ایک چیلنج ہے جہاں بھارتی فوجی،پیراملٹری فورسز اور پولیس کے اہلکار جنگی جرائم کا ارتکاب کررہے ہیں جس کے خلاف دنیا اور امن پسند اقوام کو خاموش تماشائی بن کر نہیں رہنا چاہیے۔

کشمیر میڈیا سروس کی طرف سے جاری کی گئی ایک رپورٹ میں مطالبہ کیاگیا کہ نہتے کشمیریوں اور بھارت میں اقلیتوں کے خلاف جنگی جرائم کے ارتکاب پر بھارتی وزیر اعظم نریندر مودی اور ان کے حواریوں کوجوابدہ بنایا جائے نیز بھارتی فوجیوں اور ان کی ایجنسیوں کے خلاف مقدمات چلائے جائیں۔

یہ بھی پڑھیں: کشمیری عوام کے خلاف بھارت کی خطرناک سازش، کشمیریوں کے تمام بنیادی حقوق چھیننے کی تیاری جاری

دنیا بھر میں 21ستمبر کو امن کا عالمی دن منایا گیا لیکن مقبوضہ جموں وکشمیرکے امن پسند لوگوں کے لیے امن ایک خواب ہے جو گزشتہ 76 سال سے بھارت کی بدترین ریاستی دہشت گردی کا سامنا کر رہے ہیں۔

رپورٹ میں کہا گیا ہے کہ جموں و کشمیر کے عوام بھارت کے ظالمانہ قبضے اور قتل عام کا شکار ہیں ،بھارتی فوجی روزانہ کی بنیاد پر کشمیریوں کے خلاف تشدد سمیت طاقت کا وحشیانہ استعمال کر رہے ہیں۔

رپورٹ میں کہا گیا کہ عام کشمیری سخت فوجی محاصرے میں زندگی گزارنے پر مجبور ہیں جبکہ بھارتی فورسز کی کاروائیاں مقبوضہ علاقے میں ہولوکاسٹ سے کم نہیں ہیں۔

رپورٹ میں دفعہ370اور اے35کی منسوخی نیز بی جے پی/آر ایس ایس کی حمایت یافتہ مودی حکومت کی طرف سے مقبوضہ جموں وکشمیرکو ایک بڑے حراستی کیمپ میں تبدیل کرنے پر عالمی برادری کی خاموشی پر افسوس کا اظہار کیا گیا ۔

رپورٹ میں کہا گیا ہے کہ کل جماعتی حریت کانفرنس کی قیادت، نوجوانوں، خواتین ،صحافیوں اور انسانی حقوق کے محافظوں سمیت چار ہزار سے زائد کشمیریوں کو مقبوضہ جموں وکشمیراور بھارت کی جیلوں میں غیر قانونی نظربندرکھا گیاہے۔

رپورٹ میں عالمی برادری کی توجہ نظر بند اور مظلوم کشمیریوں کو درپیش مشکلات کی طرف مبذول کرائی گئی جو عالمی برادری کی مدد کے منتظر ہیں۔

رپورٹ میں کہا گیا کہ تنازعہ کشمیر کے پرامن حل کی راہ میں بھارت بدستور سب سے بڑی رکاوٹ بنا ہوا ہے۔
رپورٹ میں مطالبہ کیا گیا کہ نریندر مودی کی زیر قیادت ہندوتوا حکومت اور اس کی کٹھ پتلی انتظامیہ کو دنیا کی سب سے بڑی کھلی جیل یعنی مقبوضہ جموں وکشمیر میں ان کے جرائم پر جوابدہ بنایا جائے۔

مزید پڑھیں: عالمی برادری بھارتی انسانی حقوق کی خلاف ورزیوں کو بھی دیکھے

دریں اثناء کل جماعتی حریت کانفرنس کے رہنماؤں نے سرینگر میں اپنے الگ الگ بیانات میں کشمیری سیاسی قیدیوں کی غیر قانونی نظربندی کی شدید مذمت کی ہے۔

انہوں نے کہا کہ بے گناہ لوگوں کا قتل اور گرفتاریاں مقبوضہ جموں وکشمیرکی بدترین صورتحال کو ظاہر کرتی ہیں،انہوں نے خبردار کیا کہ بھارت بین الاقوامی طور پر تسلیم شدہ متنازعہ علاقے میں آبادی کا تناسب تبدیل کرنے اور نفرت کی فضا پیدا کرنے کے مذموم ہتھکنڈوں سے خطے کے امن کو خطرے میں ڈال رہا ہے۔

مشہور خبریں۔

فواد چوہدری کا مصدق ملک کے بیان پر رد عمل

?️ 30 مئی 2022اسلام آباد (سچ خبریں) وزیر مملکت برائے توانائی مصدق ملک کے بیان

مصر اور اردن کے سربراہوں نے غزہ میں جنگ بندی پر زور دیا

?️ 28 دسمبر 2023سچ خبریں:اردن کے شاہ عبداللہ دوم اور مصر کے صدر عبدالفتاح السیسی

امریکہ کی ایران کے ہاتھوں دوسرے آئل ٹینکر کو قبضے میں لینے کی تصدیق

?️ 4 مئی 2023سچ خبریں:ایرانی بحریہ نے خلیج فارس میں گزشتہ ہفتے دوسرے آئل ٹینکر

شام کے ساتھ تعلقات کو معمول پر لانے کے لیے ترکی کی کوششیں

?️ 16 جنوری 2023سچ خبریں:شام کے ساتھ تعلقات کو معمول پر لانے کے لیے ترکی

اقوام متحدہ نے فلسطینی قیدیوں پر تشدد کی نئی جہتیں بتائیں

?️ 31 جولائی 2024سچ خبریں: اقوام متحدہ نے انسانی حقوق کے حوالے سے اس تنظیم

صیہونی حکومت کی جیلوں میں اب نئے قیدیوں کی گنجائش نہیں

?️ 23 جون 2024سچ خبریں: صیہونی حکومت کے ذرائع ابلاغ نے اطلاع دی ہے کہ اس

امریکہ یعنی اسلحہ اور بغیر اسلحے کے امریکہ کچھ نہیں!

?️ 5 جون 2022سچ خبریں:   امریکہ کی فطرت اور اس ملک کی اصل ثقافت اور

کالے ہیروں کی تلاش میں خون آلود ہاتھ

?️ 13 اپریل 2025سچ خبریں: صیہونی ایجنسی برائے بین الاقوامی ترقی (MASHAV) جو کہ 1958

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے