مودی حکومت جموں وکشمیر پر اپنے فوجی قبضے کو برقرار رکھنے کے لیے انتخابی ڈرامہ رچا رہی ہے

?️

سرینگر: (سچ خبریں) غیرقانونی طورپربھارت کے زیر قبضہ جموں وکشمیر میں کل جماعتی حریت کانفرنس نے کہا ہے کہ نریندر مودی کی زیر قیادت بھارتی حکومت خطے کی موجودہ سنگین صورتحال کے بارے میں دنیاکو گمراہ کرنے کے لئے علاقے میں پارلیمانی انتخابات کا ڈرامہ رچا رہی ہے۔
میڈیا کے مطابق کل جماعتی حریت کانفرنس کے ترجمان ایڈوکیٹ عبدالرشید منہاس نے سرینگر میں جاری ایک بیان میں کہاکہ مودی حکومت اپنے فوجی قبضے کو برقرار رکھنے اور علاقے میں اپنے غیر قانونی اقدامات کو جواز بخشنے کے لیے ڈھونگ انتخابات کا استعمال کر رہی ہے۔ انہوں نے کہا کہ بھارتی حکومت نے ان دھاندلی زدہ انتخابات کے دوران سیکورٹی کے نام پر مقبوضہ علاقے میں پابندیوں، محاصرے اور تلاشی کی کارروائیوں اور چھاپوں کا سلسلہ تیز کر دیا ہے۔
ترجمان نے کہا کہ مقبوضہ جموں و کشمیر کے عوام سات دہائیوں سے زائد عرصے سے بھارتی فوجی حکمرانی کے تحت مسلسل ظلم وستم اورقتل وغارت سمیت بے پناہ مشکلات کا سامنا کررہے ہیں۔ انہوں نے کہا کہ کشمیری انتخابات کے لیے نہیں بلکہ بھارتی تسلط سے آزادی کے حصول کے لیے جدوجہد کر رہے ہیں اور وہ مقدس مقصد کے حصول تک چین سے نہیں بیٹھیں گے۔کل جماعتی حریت کانفرنس نے عالمی برادری پر زور دیا کہ وہ مظلوم کشمیریوں کی فریاد سنے اور ان کے حق خودارادیت کی حمایت کرے۔
پیپلز ڈیموکریٹک پارٹی کی صدر محبوبہ مفتی نے بھارتی پولیس کے ہاتھوں اپنے پارٹی کارکنوں اور پولنگ ایجنٹوں کی گرفتاری کے خلاف آج ضلع اسلام آباد کے علاقے بجبہاڑہ میں پارٹی رہنمائوں اور کارکنوں کے ہمراہ احتجاجی دھرنا دیا۔ مظاہرین نے سرینگر جموں ہائی وے کو بھی بند کر دیا۔ پولیس نے مظاہرین کو منتشر کرنے کے لیے لاٹھی چارج کیا جس سے متعدد افراد زخمی ہوگئے۔
محبوبہ مفتی نے اس موقع پر صحافیوں سے گفتگو کرتے ہوئے کہا کہ انتخابات میں دھاندلی ہو رہی ہے اور اس میں لیفٹیننٹ گورنر اور ڈائریکٹر جنرل آف پولیس سمیت تمام سینئر افسران ملوث ہیں۔ محبوبہ مفتی اسلام آباد راجوری حلقے سے الیکشن لڑ رہی ہیں جس کے لیے آج ووٹ ڈالے گئے۔
بھارتی فوجیوں نے ضلع ڈوڈہ کے علاقے بھدرواہ میں گھروں پر چھاپوں کے دوران محمد سلیم اور محمد یعقوب نامی دو نوجوانوں کو گرفتار کر لیا۔ مقبوضہ جموں وکشمیر کی ہائی کورٹ نے کالے قانون پبلک سیفٹی ایکٹ کے تحت بند تین بے گناہ کشمیریوں کی نظر بندی کو کالعدم قرار دیتے ہوئے ان کی فوری رہائی کا حکم دیا۔ ان کی شناخت سرتاج احمد، عرفان احمد اور غلام محی الدین لون کے طور پر ہوئی ہے۔

مشہور خبریں۔

مستحق سیلاب متاثرین میں اب تک 50 ارب روپے سے زائد کی رقم تقسیم کی جا چکی ہے

?️ 28 ستمبر 2022اسلام آباد:(سچ خبریں)وفاقی وزیر اور چیئرپرسن بینظیر انکم سپورٹ پروگرام شازیہ عطا

مغربی کنارے کے کیمپوں کے خلاف اسرائیل کی جنگ کی خطرناک جہتیں

?️ 30 جنوری 2025سچ خبریں: تین روز قبل صیہونی حکومت نے شمالی مغربی کنارے کے

عوام اور افواج نے وطن کی حفاظت میں کردار ادا کیا ہے:عارف علوی

?️ 26 مارچ 2021اسلام آباد(سچ خبریں) صدر مملکت ڈاکٹر عارف علوی نے کہاہے کہ عوام

بھارت کے جارحانہ آبی اقدامات خطے کے امن و استحکام کیلئے سنگین خطرہ ہیں۔ اسحاق ڈار

?️ 21 دسمبر 2025اسلام آباد (سچ خبریں) نائب وزیراعظم و وزیر خارجہ اسحاق ڈار نے

ہنیہ; شیخ یاسین کے اسکول کے مقبول ترین طالب علم

?️ 4 اگست 2024سچ خبریں: جب دو ستارے ٹکراتے ہیں تو روشنی اور توانائی کا دھماکہ

چین کی امریکہ سے مذاکرات کے لیے شرایط 

?️ 3 مئی 2025سچ خبریں: چین نے امریکہ کے پیش کردہ 145 فیصد تعرفاتی محصولات

فلسطینی طاقت کا دشمن نے بھی کیا اعتراف

?️ 17 اکتوبر 2023سچ خبریں:صیہونی حکومت کو غزہ کی پٹی پر زمینی حملے کے بارے

چوہدری مونس الٰہی کی خط کے حوالے سے میڈیا سے گفتگو

?️ 23 جولائی 2022 لاہور: (سچ خبریں)مسلم لیگ(ق) کے رہنما چوہدری مونس الٰہی نے کہا ہے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے