?️
سرینگر: (سچ خبریں) کل جماعتی حریت کانفرنس نے کہا ہے کہ دیرینہ تنازعہ کشمیر کے منصفانہ حل کے بغیر جنوبی ایشیا میں پائیدار امن قائم نہیں ہو سکتا۔
میڈیا کے مطابق کل جماعتی حریت کانفرنس کے ترجمان ایڈوکیٹ عبدالرشید منہاس نے سرینگر میں جاری ایک بیان میں امید ظاہر کی ہے کہ اقوام متحدہ کے سیکرٹری جنرل عالمی برادری کے ساتھ مل کر نہتے کشمیریوں پرقابض بھارتی فوج کے ظلم و تشدد، انسانی حقوق کی سنگین پامالیوں اور غیر قانونی نظربندیوں کا سلسلہ بند کرانے کیلئے بھارت پر دبائو بڑھائیں۔
انہوں نے کولگام اور بانڈی پورہ کے اضلاع میں بھارتی فوجیوں اور پولیس اہلکاروں کی طرف سے تلاشی اور محاصرے کی کاررروائیوں کے دوران 7کشمیری نوجوانوں کی گرفتاری کی مذمت کرتے ہوئے کہا کہ اس طرح کے اوچھے ہتھکنڈوں سے بھارتی حکومت مقبوضہ کشمیرکے عوام کو ان کی منصفانہ جدوجہد جاری رکھنے سے روک نہیں سکتی ۔ حریت ترجمان نے جدوجہد آزادی کشمیر کو اسکے منطقی انجام تک جاری رکھنے کے کشمیریوںکے عزم کا اعادہ کیا۔
انہوں نے کہاکہ تنازعہ کشمیر پربھارت کے ہٹ دھرمی پر مبنی رویہ کی وجہ سے جنوبی ایشیاء کا خطہ ایٹمی تصادم کے دہانے پر پہنچ گیا ہے ۔ انہوں نے کہا کہ بی جے پی حکومت نے اپنی قابض فورسز کومقبوضہ کشمیرمیں نہتے کشمیریوں کے قتل عام اور انسانی حقوق کی سنگین خلاف ورزیوں کا لائسنس دے رکھا ہے۔تاہم انہوں نے کہاکہ بھارت کے تمام تر مظالم کے باوجود کشمیری عوام بھارتی تسلط سے آزادی کیلئے اپنی جدوجہد جاری رکھنے کیلئے پر عزم ہیں۔حریت ترجمان نے بھارت پر زور دیا کہ وہ جموں و کشمیر سے اپنی فوج کے انخلا، تمام کشمیری سیاسی نظربندوں کی فوری اور غیر مشروط رہائی، تمام کالے قوانین کی منسوخی،کشمیری عوام کے تمام شہری اور سیاسی حقوق کی بحالی اور اقوام متحدہ کی قراردادوں کے مطابق تنازعہ کشمیر کے حل کیلئے پاکستان کے ساتھ بامعنی مذاکرات شروع کرے۔
ادھر حریت رہنمائوں سلیم زرگر، عبدالصمد انقلابی، ڈاکٹر عرفان خان، عبدالرشید بٹ اور امتیاز ریشی نے اپنے الگ الگ بیانات میں کہا ہے کہ جموں و کشمیر کے عوام کو دیوار سے لگایا جا رہا ہے اور انہیں بدترین ظلم وتشدد کا نشانہ بنایاجارہا ہے ۔انہوں نے بھارت پرزوردیا کہ وہ کشمیری عوام کے جمہوری اور انسانی حقوق کی پامالی کا سلسلہ بند کرے اور دیرینہ تنازعہ کشمیر کا سیاسی حل تلاش کرنے کے لیے عملی اقدامات کرے۔
ادھر پاسبان حریت جموں وکشمیر کے چیئرمین عزیر احمد غزالی نے مظفرآباد میں جاری ایک بیان میں کہاہے کہ بھارتی حکومت مقبوضہ کشمیر پراپنے فوجی قبضے کو طول دینے کیلئے ریلوے ٹنلز اور سڑکوں کا جال بچھا رہی ہے ۔انہوں نے کہاکہ مودی حکومت کشمیریوں سے انکا وطن ، ریاست اور زمینیں چھین رہی ہیں اور سرکاری ملازمین کو انکی ملازمتوں سے محروم کیاجارہا ہے ۔عزیر عزالی نے کہاکہ کشمیری عوام بھارتی تسلط سے اپنی آزادی اور قومی وقار کیلئے مزاحمتی تحریک جاری رکھیں گے ۔ انہوں نے مودی حکومت کے ظالمانہ ہتھکنڈوں پرکڑی تنقید کرتے ہوئے کہا کہ کشمیری بھارتی ظلم وجبر کو مسترد کرتے ہیں ۔


مشہور خبریں۔
مغربی کنارے کے خلاف تازہ ترین صیہونی یلغار
?️ 28 دسمبر 2023سچ خبریں: گذشتہ رات صہیونی فوج نے مغربی کنارے کے مختلف علاقوں
دسمبر
بین گوئر کا اسرائیلیوں کو بچانے کا دعوی
?️ 10 جون 2024سچ خبریں: عبرانی زبان کے ذرائع ابلاغ کے مطابق ایٹمر بین گوئر
جون
صیہونیوں کا فلسطینیوں کی سرزمین پر700 نئے گھروں کی غیر قانونی تعمیر کا منصوبہ
?️ 14 مارچ 2022سچ خبریں:صیہونی حکومت نے بین الاقوامی قوانین کی خلاف ورزی کرتے ہوئے
مارچ
مقبوضہ گولان میں اسرائیلی فوج کا تربیتی اڈہ کھل گیا
?️ 8 ستمبر 2025سچ خبریں: اسرائیل مقبوضہ گولان کی پہاڑیوں میں جنوبی لبنان کی طرز
ستمبر
شہید سید حسن نصراللہ کا انتقام کیسے لیا جاسکتا ہے؟: معروف لبنانی اخبار کے چیف ایڈیٹر
?️ 27 ستمبر 2026سچ خبریں:معروف لبنانی روزنامہ الاخبار کے چیف ایڈیٹر ابراہیم الامین نے پیجر
ستمبر
ایران کے مصر اور سعودی عرب کے ساتھ تعلقات سے صیہونی پریشان
?️ 25 مئی 2023سچ خبریں:موساد کے سابق سربراہ نے ہرتزلیا سکیورٹی کانفرنس میں ایران اور
مئی
آزادی اظہار رائے کے امریکی کھوکھلے نعروں کا ایک اور ثبوت:سید حسن نصراللہ
?️ 26 جون 2021سچ خبریں:لبنانی حزب اللہ کے سکریٹری جنرل سید حسن نصراللہ نے کہا
جون
زاہد حفیظ چوہدری کی آسٹریلیا میں بطور ہائی کمشنرتقرری
?️ 26 مئی 2021اسلام آباد(سچ خبریں)آسٹریلوی وزارتِ خارجہ نے زاہد حفیظ چوہدری کی بطور ہائی
مئی