بھارتی حکومت سخت اقدامات سے گریز کرے، فاروق عبداللہ

?️

سرینگر: (سچ خبریں) بھارت کے غیر قانونی زیر قبضہ جموں و کشمیر میں نیشنل کانفرنس کے صدر فاروق عبداللہ نے بھارتی وزیر داخلہ امیت شاہ کے حالیہ بیان میں سخت رد عمل ظاہر کیا ہے جس میں انہوں نے کہا ہے کہ جموں و کشمیر میں عسکریت پسندوں اور پتھراؤ کرنے والوں کے رشتہ داروں کو سرکاری ملازمتیں فراہم نہیں کی جائیں گی۔

فاروق عبداللہ نے کہا کہ نئی دلی کو یہ نہیں معلوم کہ لوگوں کے دل کیسے جیتنے ہیں۔ کشمیر میڈیاسروس کے مطابق فاروق عبداللہ نے ذرائع ابلاغ کے نمائندوں سے گفتگو کرتے ہوئے کہا کہ بھارتی رہنمائوں نے اگر اس طرح کے بیانات کا سلسلہ جاری رکھا تو فاصلے بڑھ جائیں گے۔ انہوں نے کہا کہ ہم عسکریت پسندوں یا پتھراؤ کرنے والوں کے خاندانوں کو دور نہیں کر سکتے۔

انہوںنے کہا کہ بھارتی حکومت کو سخت اقدامات سے گریز کرنے کی ضرورت ہے۔ فاروق عبداللہ نے پیپلز ڈیموکریٹک پارٹی (پی ڈی پی) کی صدر محبوبہ مفتی کے خلاف ایف آئی آر کے اندراج کا حوالہ دیتے ہوئے کہا کہ احتجاج کرنا ہرشخص کا حق ہے، محبوبہ مفتی نے کوئی غلطی نہیں کی ہے بلکہ صرف اتنا پوچھا ہے کہ انکی پارٹی کے کارکنوں کو کیوں خراست میں لیا گیا۔

دریں اثنا کمیونسٹ پارٹی آف انڈیا مارکسسٹ سی پی آئی (ایم) کے سینئر رہنما محمد یوسف تاریگامی نے کہاہے کہ بھارتی حکومت حق خود اردیت کے مطالبے کی پاداش میں کشمیریوں کو بڑے پیمانے پر نشانہ بنا رہی ہے۔انہوں نے ذرائع ابلاغ کے نمائندوں سے گفتگو کرتے ہوئے کہا کہ بھارتی وزیر داخلہ امیت شاہ نے حال ہی میں اپنے ایک انٹرویو میں کہا ہے کہ آزاد ی پسند اور پتھرائو کرنے والے کشمیریوں کے اہلخانہ کو سرکاری ملازمتیں نہیں دی جائیں گی ، انکا یہ بیان ہر گز غیر متوقع نہیں ہے کیونکہ مودی کی زیر قیادت بی جے پی کی حکومت اسی ظالمانہ ڈگر پر چل رہی ہے، کسی کے خطا کی سزا کسی اور کو دینا اسکی پالیسی ہے۔

تاریگامی نے سوال کیا کہ بھارتی آئین میں یہ کہاں لکھا ہے کہ کسی کی غلطی کی سزا کسی دوسرے کو دی جائے گی۔ انہوں نے کہا کہ امیت شاہ کو آزادی پسندوںکے رشتہ داروںکو نوکری نہ دینے کے اپنے بیان میں نظر ثانی کرنے کی ضرور ت ہے۔

مشہور خبریں۔

جنگ بندی کے منصوبے پر حماس کا نیا ردعمل

?️ 25 جولائی 2025سچ خبریں:  حماس تحریک نے آج جمعرات کی صبح اعلان کیا کہ

کیا دمشق اور عرب ممالک کے تعلقات بحالی کی راہ پر گامزن ہیں؟

?️ 25 فروری 2023سچ خبریں:عرب میڈیا نے شام کے صدر کے عمان کے دورے اور

کیا ایران کے خلاف اسرائیل کے حملے میں امریکہ شریک ہے؟

?️ 26 اکتوبر 2024سچ خبریں: اسی وقت جب اسرائیلی حکومت کی فوج نے ایران پر حملے

جہاد اسلامی فلسطین کے ایک اعلی کمانڈر شہید

?️ 17 مئی 2021سچ خبریں:صہیونی حکومت نے مغربی غزہ میں ایک کار کو نشانہ بنایا

سول ایوی ایشن کا آڈٹ، عالمی ہوابازی تنظیم کی ٹیم رواں ماہ پاکستان آئے گی

?️ 15 جنوری 2024کراچی: (سچ خبریں) انٹرنیشنل سول ایوی ایشن آرگنائزیشن (آئی سی اے او)

اقوام متحدہ نے میانمار کی عدالت کے فیصلے پر کی تنقید

?️ 7 دسمبر 2021سچ خبریں:  اقوام متحدہ کے انسانی حقوق کے ہائی کمشنر مشیل بیچلیٹ

نیتن یاہو کا ایک نیا بیان

?️ 22 اگست 2023سچ خبریں:وزیر اعظم بنجمن نیتن یاہو اور اسرائیلی وزیر جنگ یوو گیلنٹ

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے