ایرانی میزائلوں کے سامنے ہمارا دفاعی نظام ناکارہ ہے؛صیہونی فوج کا اعتراف

سچ خبریں:صیہونی فوج نے پہلی بار باضابطہ طور پر اعتراف کیا ہے کہ ایران کے میزائل حملوں کے مقابلے میں ان کا فضائی دفاعی نظام ناقابلِ اعتماد اور غیر مؤثر ثابت ہو رہا ہے۔

روسی ذرائع ابلاغ روسیا الیوم کی رپورٹ کے مطابق، گزشتہ شب صہیونی فوج نے ایک سرکاری بیان جاری کرتے ہوئے کہا کہ صیہونی فضائی دفاعی نظام ایرانی میزائلوں کے خلاف قابلِ بھروسہ نہیں ہے اور موجودہ صورتحال میں عوام کو داخلی دفاعی ادارے کی ہدایات پر سختی سے عمل کرنا چاہیے۔

یہ بھی پڑھیں:مصری تجزیہ کار: عرب دنیا کو ایران/اسرائیل کے ساتھ کھڑا ہونا چاہیے ایک بدمعاش اور مجرم ہے

بیان میں صہیونی شہریوں سے کہا گیا ہے کہ وہ  حکام کی طرف سے جاری کردہ تمام حفاظتی تدابیر اور ایمرجنسی ہدایات پر مکمل توجہ دیں، کیونکہ کسی بھی لمحے نئی خطرناک صورتحال پیدا ہو سکتی ہے۔

مزید پڑھیں:اسرائیلی صحافی: نیتن یاہو اسرائیل کے لیے اتنا ہی خطرناک ہے جتنا حزب اللہ اور ایران کے لیے

اس کے علاوہ، رپورٹ میں یہ بھی انکشاف کیا گیا ہے کہ گزشتہ شب جب ایران نے مقبوضہ علاقوں پر میزائل حملے کیے، صیہونی میزائل وارننگ سسٹمز مکمل طور پر ناکام ہو گئے، اور صہیونی شہری براہِ راست فضا میں آتے میزائلوں کو دیکھ کر حیران اور پریشان ہو گئے،یہ اعتراف صیہونی فوجی ساکھ پر ایک بڑا سوالیہ نشان بن کر ابھرا ہے اور خطے میں طاقت کے توازن کے حوالے سے نئی بحث چھیڑ دی ہے۔