میزائل حملے بھی اور سائبر وار بھی؛صہیونی علاقوں میں شدید افراتفری

سچ خبریں:تل ابیب میں ہزاروں صہیونی شہریوں کو جعلی پیغامات موصول، عوام کو پناہ گاہوں سے دور رہنے کا کہا گیا۔

فلسطینی انفارمیشن سینٹر کی رپورٹ اور عبری میڈیا ذرائع کے مطابق، جب ایران نے تل ابیب اور دیگر صہیونی علاقوں پر میزائلوں کی زبردست بارش شروع کی، تو ساتھ ہی ایک منظم سائبر حملہ بھی شروع ہو گیا، جس نے صہیونی شہریوں کو شدید سردرگمی، خوف اور افراتفری کا شکار بنا دیا۔

یہ بھی پڑھیں: سائبر حملے کے بعد ہزاروں صیہونیوں کی ذاتی معلومات کا انکشاف

رپورٹ کے مطابق، ہزاروں اسرائیلی شہریوں کو اس دوران نامعلوم نمبروں سے SMS اور فون کالز موصول ہوئیں، جن میں انہیں پناہ گاہوں میں جانے سے روکنے کی ہدایات دی گئیں۔ یہ پیغامات اور کالز مکمل طور پر جعلی تھیں اور حقیقی انتباہی نظام سے کوئی تعلق نہیں رکھتی تھیں۔

ان جعلی پیغامات نے خطرناک صورتِ حال پیدا کر دی، کیونکہ میزائل حملے جاری تھے اور شہریوں کو تحفظ کے بجائے گمراہ کن معلومات دی جا رہی تھیں۔

صورتحال کی سنگینی کو دیکھتے ہوئے، صہیونی فوج کے داخلی محاذ نے سرکاری میڈیا کے ذریعے اعلان کیا کہ تمام شہری صرف سرکاری ہدایات پر عمل کریں، مشکوک پیغامات کو نظر انداز کریں، اور جلد از جلد قریبی محفوظ پناہ گاہوں میں منتقل ہوں۔

مزید پڑھیں: صیہونی حکومت کے سربراہ بھی سائبر حملے کا شکار

اس واقعے نے ایک بار پھر واضح کر دیا کہ ایران نہ صرف روایتی ہتھیاروں بلکہ الیکٹرانک اور نفسیاتی جنگ میں بھی مؤثر صلاحیت رکھتا ہے، اور دشمن کی حالاتِ جنگی میں کمانڈ و کنٹرول کو نشانہ بنانے کی طاقت رکھتا ہے۔