ایران کے خلاف جنگ کا صیہونی حکومت کو کتنا نقصان ہوا ہے؟

سچ خبریں:اسرائیل کو ایران پر حملے کی بھاری قیمت چکانا پڑ رہی ہے، صہیونی میڈیا کے مطابق دفاع، سیاحت اور بیمہ کے شعبوں میں اربوں شیکل کے اضافی بجٹ کی تیاری ہو رہی ہے۔

الجزیرہ نیوز چینل کی رپورٹ کے مطابق، صیہونی میڈیا نے انکشاف کیا ہے کہ ایران کے خلاف جنگ نے تل ابیب پر بھاری مالی دباؤ ڈال دیا ہے، اور صہیونی حکومت اب دفاعی، سیاحتی، اور بیمہ جات کے شعبوں میں ہنگامی بجٹ بڑھانے پر غور کر رہی ہے۔

یہ بھی پڑھیں:امریکہ کا جنگ میں داخل ہونا ایران کے لیے خطرہ ہے یا موقع؟

اقتصادی اخبار کالکالسٹ کی رپورٹ کے مطابق، اسرائیلی پارلیمان کی مالیاتی کمیٹی آئندہ پیر کو اجلاس میں فوجی بجٹ میں تقریباً 3 ارب شیکل (1.043 ارب امریکی ڈالر) کے اضافے پر غور کرے گی۔

اسی رپورٹ میں بتایا گیا ہے کہ وزارت خزانہ اسرائیل سیاحت کے بجٹ میں بھی 900 ملین شیکل (257.7 ملین ڈالر) کے اضافے کی منصوبہ بندی کر رہی ہے تاکہ جنگ زدہ شہریوں کو ہوٹلوں میں عارضی رہائش فراہم کی جا سکے۔

اس کے علاوہ، صہیونی حکومت کا سوشل انشورنس انسٹیٹیوٹ بھی 2 ارب شیکل (573.2 ملین امریکی ڈالر) کا اضافی بجٹ طلب کر رہا ہے، تاکہ جنگ کے باعث بے گھر ہونے والے افراد کو مالی امداد فراہم کی جا سکے۔

مزید پڑھیں:امریکہ اسرائیلی جارحیت میں شریک ہے، جس مقام سے حملہ ہوگا اسی جگہ جواب دیں گے، ایرانی سفیر

یہ تمام مالی اقدامات اس بات کا واضح اشارہ ہیں کہ ایران کے خلاف فوجی مہم نہ صرف عسکری بلکہ اقتصادی طور پر بھی اسرائیل کے لیے ایک بھاری بوجھ بن چکی ہے۔