انصاراللہ کا امریکہ اور برطانیہ کو سخت انتباہ

سچ خبریں:یمن کی انقلابی تحریک انصاراللہ نے امریکہ اور برطانیہ کو خبردار کیا ہے کہ اگر وہ اسرائیل کے ساتھ مل کر ایران پر کسی بھی قسم کی فوجی جارحیت میں شریک ہوئے تو ایران اور اس کے اتحادی خاموش نہیں بیٹھیں گے اور ان کا ردعمل نہایت سخت اور وسیع ہوگا۔

المیادین ٹی وی چینل کی رپورٹ کے مطابق یمن کے سیاسی دفتر کے رکن  محمد الفرح انصاراللہ نے بیان دیا کہ ڈونلڈ ٹرمپ کی دھمکیاں اس بات کا ثبوت ہیں کہ اسرائیل کی شکست قریب ہے اور تل ابیب کے حکمران حالات پر سے کنٹرول کھو چکے ہیں۔

یہ بھی پڑھیں:انصاراللہ کے سامنے امریکہ کی ناکامی

انہوں نے مزید کہا کہ اگر صہیونی ریاست میں ایران کا براہِ راست مقابلہ کرنے کی صلاحیت ہوتی تو وہ امریکہ سے مدد کی بھیک نہ مانگتا،الفرح نے خبردار کیا کہ اگر امریکہ یا برطانیہ ایران پر کسی بھی فوجی حملے میں براہ راست شریک ہوئے، تو ایران اور اس کے علاقائی اتحادی سخت اور فوری ردعمل دیں گے۔

مزید پڑھیں:انصاراللہ کے رہنما عبدالملك الحوثی کی امریکہ پر شدید تنقید

محمد الفرح نے مزید کہا کہ ایران اور اس کے اتحادیوں کے پاس جنگ میں دشمن کو دباؤ میں لانے کے لیے متعدد آپشنز موجود ہیں، جن میں سمندری راستوں کی بندش

، جارح ممالک کی جہاز رانی کو خطرے میں ڈالنا اور توانائی کی ترسیل میں رکاوٹ ڈالنا شامل ہیں،انہوں نے خبردار کیا کہ ان اقدامات سے نہ صرف دشمن ممالک کو نقصان ہوگا، بلکہ یہ اقدامات پورے خطے کو آگ کی لپیٹ میں لے سکتے ہیں۔