صہیونی میڈیا کی 8 نفسیاتی و اطلاعاتی جنگی چالیں؛ ایران پر حملے کے پس پردہ پروپیگنڈا مشینری

سچ خبریں:ایران پر صہیونی حملے کے ساتھ ہی اسرائیلی میڈیا نے شایعات، جعل سازی، سانسور اور نفسیاتی جنگ جیسے 8 بڑے پروپیگنڈا ہتھکنڈے استعمال کیے۔ یہ رپورٹ ان تکنیکوں کو تفصیل سے بے نقاب کرتی ہے۔

صیہونی حکومت کی ایران کی سرزمین پر کھلی جارحیت کے ساتھ ہی، اس کی میڈیا مشینری نے بھرپور انداز میں نفسیاتی جنگ چھیڑ دی ہے۔ ایک ہفتے سے جاری اس جنگ میں جعلی خبریں، شایعات، ذہنی خوف، سانسور، اور جھوٹی کامیابیوں کے بیانیے پیش کیے جا رہے ہیں۔ اس رپورٹ میں اسرائیلی میڈیا کی 8 کلیدی حکمت عملیوں کا جائزہ لیا گیا ہے:

یہ بھی پڑھیں:ایران پر صیہونی حملے پر چین کا شدید ردعمل 

صہیونی میڈیا نے حملوں کو ذہنی بمباری میں بدل دیا۔ جعلی سوشل میڈیا اکاؤنٹس، جھوٹی ویڈیوز اور دعوے جیسے کہ ایرانی دفاع ناکام ہوا اور اہم تنصیبات تباہ ہو گئیں،یہ سب عوام کے حوصلے پست کرنے کی کوشش تھی۔

صہیونی میڈیا نے فوراً ایک "کامیاب، ہوشیار اور ہدف بردار” آپریشن کی تصویر کشی کی، جبکہ ایران نے واضح کیا کہ زیادہ تر ڈرونز قبل از وقت تباہ کیے گئے۔ مغربی میڈیا سے ہم آہنگی سے جھوٹا بیانیہ پھیلایا گیا تاکہ ایرانی عوام کو شکست خوردہ محسوس کرایا جائے۔

ویڈیوز کی ایڈیٹنگ، پرانی فوٹیج کا استعمال، اور غیر متعلقہ واقعات کو ایران سے جوڑ کر، میڈیا جنگ چھیڑی گئی۔ مثال کے طور پر، ایک مرکز ترک اعتیاد کی ویڈیو کو فرار قیدیوں کی خبر کے طور پر پیش کیا گیا۔

دعویٰ کیا گیا کہ اسرائیلی حملے غیر عسکری اہداف پر نہیں ہوئے، مگر حقیقت میں ہسپتالوں، ایمبولینسز اور امدادی کارکنوں کو نشانہ بنایا گیا۔ فارابی اسپتال اور حکیم ہسپتال کے متاثر ہونے کی مثال دی جا سکتی ہے۔

صہیونی میڈیا نے ایران کے جوابی حملوں کو کمزور دکھانے کی کوشش کی، جبکہ حقیقت میں ایران نے وایزمن انسٹیٹیوٹ جیسے حساس مقامات کو نشانہ بنایا، جس میں کئی اہم تجربہ گاہیں تباہ ہوئیں۔

حقیقی نقصانات اور ہلاکتوں کو چھپانے کے لیے شدید میڈیا کنٹرول اپنایا گیا۔ رپورٹرز کو گرفتار کیا گیا، جبکہ اسرائیلی عوام کو اپنی حکومت کی ناکامیوں سے بے خبر رکھا گیا۔

جھوٹی وڈیوز، جعلی فضائی حملے، اور پرانے ماڈلز پر حملوں کو عظیم کامیابیاں بنا کر پیش کیا گیا۔ مشہد تک جنگی جہاز بھیجنے جیسے ناقابلِ عمل دعوے بھی کیے گئے۔

صہیونی سائبر آرمی نے بوٹ اکاؤنٹس اور AI کی مدد سے خوف پھیلانے والے ہیش ٹیگ ٹرینڈ کروائے۔ ۷۰٪ سے زائد ایسے اکاؤنٹس غیر حقیقی تھے، جن کا مقصد عالمی رائے عامہ کو گمراہ کرنا تھا۔

 نتیجہ

مزید پڑھیں:صیہونی حملے کے بعد تہران کی صورتحال؛روسی تجزیہ کار کی زبانی

یہ تمام ہتھکنڈے اس بات کی نشاندہی کرتے ہیں کہ اسرائیل کی موجودہ جنگ محض میزائل یا ڈرونز کی نہیں، بلکہ ایک منظم میڈیا اور نفسیاتی محاذ کی جنگ ہے جس کا مقصد نہ صرف ایران بلکہ دنیا بھر کے ذہنوں کو متاثر کرنا ہے۔