🗓️
سچ خبریں:امریکی میگزین نے پینٹاگون سے لیک ہونے والی دستاویزات کا حوالہ دیتے ہوئے لکھا ہے کہ امریکہ چار غیر متوقع منظرناموں پر توجہ مرکوز کر رہا ہے جو یوکرین میں جنگ کو متأثر کر سکتے ہیں۔
رشیا ٹوڈے کی رپورٹ کے مطابق نیویارک ٹائمز نے اپنی ایک نئی رپورٹ میں امریکی فوجی دستاویزات کے لیک ہونے کا حوالہ دیتے ہوئے دعویٰ کیا ہے کہ پینٹاگون نے یوکرین کی جنگ کے حوالے سے چار غیر متوقع منظرناموں پر غور کیا ہے جن میں دونوں ممالک کے صدور کی اچانک موت بھی شامل ہے!
نیویارک ٹائمز کے مطابق امریکی دفاعی انٹیلی جنس ایجنسی (DIA) نے فروری میں یہ دستاویزات جمع کیں،یہ معلومات دیگر خفیہ دستاویزات کے مجموعے کے ساتھ، جو بنیادی طور پر یوکرین کی جنگ میں امریکی مداخلت سے متعلق ہیں، حال ہی میں آن لائن شائع کی گئی ہیں۔
ڈی آئی اے نے جن چار ممکنہ منظرناموں کو جنگ کا نتیجہ قرار دیا وہ یہ ہیں:
1۔ یوکرین کے صدر ولادیمیر زیلنسکی کی موت۔
2۔ روس کے صدر ولادیمیر یپوٹن کی موت۔
3۔ روسی مسلح افواج کے کمانڈر کی برطرفی۔
4۔ یوکرین کا کریملن پر حملہ ۔
امریکی دفاعی ادارے کا خیال ہے کہ کریملن پر یوکرین کا حملہ روس میں مکمل فوجی متحرک ہونے یا پیوٹن کی جانب سے ٹیکٹیکل جوہری ہتھیاروں کے استعمال کا باعث بن سکتا ہے۔اس کے علاوہ، امریکی فوجی منصوبہ سازوں کا خیال ہے کہ کیف اس طرح کی جرات مندانہ کارروائی سے پیوٹن کو جنگ کے حل کے لیے مذاکرات پر مجبور کر سکتا ہے
! نیویارک ٹائمز نے اس بات کی وضاحت نہیں کی کہ پینٹاگون کس منظر نامے کو زیادہ حقیقت پسندانہ یا زیادہ ممکن سمجھتا ہے اور نہ ہی اس نے پیوٹن یا زیلنسکی کی موت کے نتائج کو واضح کیا۔
درایں اثنا روس کے نائب وزیر خارجہ سرگئی ریابکوف نے ان معلومات کے افشاء ہونے کے بارے میں کہا کہ چونکہ امریکہ یوکرین کی جنگ کا ایک فریق ہے اور اس نے بنیادی طور پر ماسکو کے خلاف مشترکہ جنگ شروع کر رکھی ہے، اس لیے اس کا اس طرح کی چالوں سے اپنے دشمن یعنی روس کو دھوکہ دینے کا امکان ہے۔
قابل ذکر ہے کہ گزشتہ ہفتے کے دوران، ایک درجن خفیہ امریکی فوجی دستاویزات کے منظر عام پر آنے نے میڈیا کی توجہ اپنی طرف مبذول کرائی ہے،امریکی حکومت نے باضابطہ طور پر ان دستاویزات کی صداقت کی تصدیق نہیں کی ہے تاہم پینٹاگون نے لیک ہونے کا ذریعہ تلاش کرنے کے لیے اپنی تلاش شروع کر دی ہے۔
یاد رہے کہ گزشتہ سال یوکرین کے نائب وزیر دفاع وولوڈیمیر ہیوریلوف نے بلیک سوان تھیوری جس کا مطلب ایک غیر متوقع واقعہ ہے جو سابقہ حسابات میں خلل ڈالتا ہے، کا حوالہ دیتے ہوئے دعویٰ کیا کہ روس کو اس طرح کے واقعے کا سامنا ہو سکتا ہے اور یہ واقعہ بالآخر یوکرین کی کامیابی کا باعث بنے گا،انہوں نے اس غیر متوقع واقعہ کی اپنی پیشین گوئی کے بارے میں یہ بھی دعویٰ کیا، مثال کے طور پر پیوٹن کسی وجہ سے سیاسی یا جسمانی طور پر غائب ہو جائیں یا یہ ان کے قریبی حلقے سے کسی کے ساتھ ہوجائے، جبکہ ایسا ہو گا۔
مشہور خبریں۔
امریکہ میں یمنی پانیوں کے نزدیک ہونے کی ہمت ہے؟
🗓️ 10 اگست 2023سچ خبریں: یمنی ساحلی دفاعی فورس کے کمانڈر نے امریکہ کو خبردار
اگست
یمن کے خلاف ممنوعہ امریکی اور برطانوی ہتھیاروں کا استعمال
🗓️ 16 اگست 2022سچ خبریں:مقامی یمنی ذرائع نے سعودی اتحاد کی بارودی سرنگوں اور بموں
اگست
فرانسیسی سفیر کوملک بدرکرنے سے حالات کشیدہ ہونے کا امکان ہے: وزیر داخلہ
🗓️ 21 اکتوبر 2021اسلام آباد(سچ خبریں) وفاقی وزیر داخلہ شیخ رشید نے کہا ہے کہ
اکتوبر
وزیراعظم کی زیر صدارت ایس آئی ایف سی کا اجلاس، وزیراعلیٰ کے پی بھی شریک
🗓️ 25 مئی 2024اسلام آباد: (سچ خبریں) وزیراعظم شہباز شریف کی زیر صدارت خصوصی سرمایہ
مئی
ٹرمپ اپنی ضد پر اٹل
🗓️ 29 جولائی 2023سچ خبریں:سابق امریکی صدر ڈونلڈ ٹرمپ نے جمعہ کے روز کہا کہ
جولائی
عراق میں امریکی فوجی اڈے پر راکٹ حملہ
🗓️ 26 مئی 2022سچ خبریں:عراقی دارالحکومت بغداد کے بین الاقوامی ہوائی اڈے کے قریب واقع
مئی
ٹرمپ کے دور میں اسرائیل کے لیے امریکی امداد مشروط
🗓️ 22 جنوری 2025سچ خبریں: اقتصادی اخبار Calcalist کی رپورٹ کے مطابق امریکی صدر ڈونلڈ
جنوری
واٹس ایپ چینلز میں پولز اور وائس نوٹ شیئر کرنے کے فیچر متعارف
🗓️ 22 جنوری 2024سچ خبریں: دنیا کی سب سے بڑی انسٹنٹ میسیجنگ ایپلی کیشن واٹس
جنوری