مشہور گلوگار شہزاد رائے کا مداحوں کو ایک خطرناک چیلنج

🗓️ 7 فروری 2021

اسلام آباد {سچ خبریں} مشہور و معروف گلوکار و سماجی کارکن شہزاد رائے نے اپنے مداحوں کو ایک خطرناک چینلج دیتے ہوئے اس کو احتیاط سے پورا کرنے کی بات کہی ہے۔

سوشل میڈیا سائٹ انسٹاگرام پر شہزاد رائے نے اپنی ایک مختصر ویڈیو شیئر کی ہے جس میں وہ ایک اسٹنٹ کرتے دکھائی دے رہے ہیں۔

مذکورہ ویڈیو میں شہزاد رائے اپنی ایک ٹانگ کو پکڑ کر کود رہے ہیں جبکہ دیکھنے میں یہ اسٹنٹ کافی خطرناک بھی لگ رہا ہے۔

شہزاد رائے نے انسٹاگرام پر ویڈیو شیئر کرتے ہوئے تمام صارفین کو چیلنج کرتے ہوئے کہا کہ ’اگر آپ بھی میری طرح یہ اسٹنٹ کرسکتے ہیں تو اپنی ویڈیو بناکر مجھے بھیجیں۔

انڈسٹری میں ’بھولا‘ کے کردار نے مجھے پہچان دی، عمران اشرف

مشہور گلوکار نے تمام صارفین کو ہدایت بھی دی کہ ’یہ اسٹنٹ احتیاط کے ساتھ کریں۔‘ شہزاد رائے کے اس چینلج کو انسٹاگرام صارفین کی بڑی تعداد نے قبول کرلیا ہے۔

صارفین ناصرف گلوکار کے اس کرتب کی تعریف کررہے ہیں بلکہ اُن سے اُن کی فٹنس کے حوالے سے دلچسپ سوال بھی پوچھ رہے ہیں۔

واضح رہے کہ شہزاد رائے پاکستان میوزک انڈسٹری کے نامور گلوکار ہونے کے ساتھ ہی معروف سماجی کارکن بھی ہیں، وہ بڑھ چڑھ کر سماجی کاموں میں حصہ لیتے دکھائی دیتے ہیں۔