سچ خبریں: پاکستان تحریک انصاف کی رہنما کنول شوزب نے کہا ہے کہ 8 فروری کو منعقد ہونے والے انتخابات میں الیکشن کمیشن نے تاریخ کے بدترین دھاندلی زدہ انتخابات کروانے میں کامیابی حاصل کی۔
سپریم کورٹ کے باہر میڈیا سے گفتگو کرتے ہوئے کنول شوزب نے کہا کہ 8 فروری کے انتخابات دھاندلی سے بھرپور تھے، اور اب ہم انصاف کی تلاش میں سپریم کورٹ آئے ہیں۔
یہ بھی پڑھیں: پاکستانی انتخابات کی صورتحال
انہوں نے کہا کہ بلوچستان عوامی پارٹی (باپ) کے لیے الیکشن کمیشن نے فوری نشستیں فراہم کیں۔ 2018 کے انتخابات کو بھی یاد کیا جاتا ہے اور اب 2024 کے انتخابات پر بھی بات ہونی چاہیے۔
کنول شوزب کا کہنا تھا کہ 14 مئی کے انتخابات سے پہلے 9 مئی کا واقعہ ہوا، 90 دن میں انتخابات کروانے کے معاملات اپنی مرضی سے طے کیے جاتے ہیں۔ آزادانہ انتخابات 90 دن میں کرانے کے لیے ہمیں عدالتوں کا رخ کرنا پڑا۔
مزید پڑھیں: ضمنی الیکشن میں پولیس نے مداخلت کی، ملک میں کوئی جمہوریت نہیں، عمران خان
انہوں نے کہا کہ ہم پر احسان جتایا جاتا ہے کہ آپ کو انتخابات کی تاریخ دی گئی۔ باپ کو کیسے آزاد امیدواروں نے جوائن کیا، اس پارٹی کو شیڈول بھی ملا اور مخصوص نشست بھی دی گئی۔
