سچ خبریں: پاکستان تحریک انصاف کے رہنما علی محمد خان نے کہا ہے کہ پی ٹی آئی نہ تو خیبر پختونخوا اسمبلی توڑے گی اور نہ ہی قومی اسمبلی سے استعفیٰ دے گی۔
ایک بیان میں علی محمد خان نے کہا کہ ہم فارم 47 والوں کے لیے میدان خالی نہیں چھوڑیں گے اور نہ ہی انہیں چین سے جینے دیں گے۔
انہوں نے کہا کہ لوٹا ہوا مینڈیٹ واپس لے کر حکومت بنائیں گے، جس کے وزیراعظم بانی پی ٹی آئی ہوں گے۔
یہ بھی پڑھیں: پی ٹی آئی اور مولانا فضل الرحمان کے درمیان کیا بات ہوئی؟ بیرسٹر گوہر کی زبانی
واضح رہے کہ گزشتہ روز جے یو آئی کے سربراہ مولانا فضل الرحمان نے اسلام آباد میں میڈیا سے گفتگو کرتے ہوئے دعویٰ کیا تھا کہ پی ٹی آئی نے خیبر پختونخوا اسمبلی توڑنے اور قومی و صوبائی اسمبلیوں سے مستعفی ہونے کی یقین دہانی کروا دی ہے۔
پاکستان تحریک انصاف (پی ٹی آئی) کے چیئرمین بیرسٹر گوہر نے مولانا فضل الرحمان کے بیان کی تردید کی تھی۔
مزید پڑھیں: تحریک انصاف اور جمعیت علمائے اسلام کے اتحاد میں موجود رکاوٹیں
بیرسٹر گوہر نے کہا تھا کہ تحریک انصاف نے مولانا فضل الرحمان سے اسمبلیاں تحلیل کرنے یا استعفوں پر کوئی بات نہیں کی۔
