سچ خبریں: مولانا فضل الرحمان نے کہا ہے کہ یہ کوئی پہلا آپریشن نہیں ہے اس سے پہلے بھی سوات سے لے کر وزیرستان تک کئی بار لوگ دربدر ہو چکے ہیں جنہیں ابھی تک معاوضہ بھی نہیں ملا ہے۔
جمعیت علمائے اسلام کے سربراہ مولانا فضل الرحمان نے کہا ہے کہ مخصوص نشستوں کے معاملے پر عدالتی فیصلے کے بعد بات کریں گے۔
یہ بھی پڑھیں: آپریشن عزم استحکام حکومت کی ضرورت ہے یا فوج کی مرضی سے ہو رہا ہے؟
ڈی آئی خان میں میڈیا سے گفتگو کرتے ہوئے مولانا فضل الرحمان نے کہا کہ ہمیں آزاد اور خود مختار ہو کر سوچنا چاہیے،اگر پہلی بار آپریشن کا تجربہ ہوتا تو عوام لبیک کہتے، عوام پہلے بھی سوات سے لے کر وزیرستان تک دربدر ہو چکے۔
انہوں نے کہا کہ آج بھی وہ لوگ دربدر ہیں، معاوضے تک نہیں دیے گئے، ہمیں دیکھنا چاہیے کہ خرابی کہاں ہے۔
مزید پڑھیں: کیا آپریشن عزم استحکام حکومت کے لیے ضروری ہے؟
جے یو آئی (ف) کے سربراہ کا کہنا تھا کہ مخصوص نشستوں کے معاملے پر عدالتی فیصلے کے بعد بات کریں گے۔
Short Link
Copied
