12 جولائی کے دھرنے کے بارے میں امیر جماعت اسلامی کا بیان

?️ 6 جولائی 2024

سچ خبریں: امیر جماعت اسلامی حافظ نعیم الرحمان نے اعلان کیا ہے کہ 12 جولائی کو اسلام آباد کے اہم مقام پر ہر صورت دھرنا دیں گے۔

اسلام آباد میں میڈیا نمائندوں سے گفتگو کرتے ہوئے حافظ نعیم الرحمان نے کہا کہ ان کا رابطہ اپوزیشن اتحاد تحریک تحفظ آئین پاکستان سے ہے اور انتخابات میں دھاندلی کے خلاف جدوجہد ہمارا مشترکہ ایجنڈا ہے۔

یہ بھی پڑھیں: امیر جماعت اسلامی کا اہم اعلان اور حکومت کو انتباہ

انہوں نے واضح کیا کہ جماعت اسلامی کسی اتحاد کا حصہ نہیں ہے اور یہ حکومت بھی خود ہی گرنا چاہتی ہے۔

مزید پڑھیں: پیٹرول کی قیمت کم نہ ہونے کی صورت میں جماعت اسلامی کی کراچی کو جام کرنے کی دھمکی

حافظ نعیم الرحمان نے کہا کہ ان کے دھرنے کا ایجنڈا بجلی، گیس، پیٹرول کی قیمتوں اور تنخواہ دار طبقے پر ٹیکسوں کی بھرمار کے خلاف احتجاج ہے۔ انہوں نے مزید کہا کہ 12 جولائی کو ہر صورت اسلام آباد کے اہم مقام پر دھرنا دیں گے، اور اگر حکومت نے رکاوٹ ڈالی تو خود ہی نتائج بھگتے گی۔